Աննոմալ շոգ եղանակը թուրքական Անթալիա հանգստավայրում բնակելի շենքեր, աշխատատեղեր և մեքենաներ օձերի ներխուժման պատճառ է դարձել, ինչը անհանգստություն է առաջացնում շրջանի բնակիչների շրջանում, հայտնում է Halk TV-ն։

Անթալիայում հունիսի սկզբից օդի միջին ջերմաստիճանը գրեթե 5°-ով բարձր է եղել կլիմայական նորմայից, իսկ վերջին երեք շաբաթներից միայն մեկ օր է ունեցել օրական առավելագույնը +30°-ից ցածր ջերմաստիճան, իսկ 5 օրվա ընթացքում ջերմաչափի ցուցմունքը բարձրացել է +40°-ից բարձր:

Նման բարձր ջերմաստիճանը պատճառ է դարձել, որ օձերը ներխուժեն բնակելի տարածքներ։ Այս տարի միայն բնակելի տարածքներից փրկարարները հայտնաբերել են 106 օձ, օձեր հայտնաբերվել են նաև գրասենյակներում և արտադրամասերում։

#ՀԻՄԱ. ՍՐԲԱԶԱՆԸ ՀԱՆԴԻՊՈՒՄ Է ԵՐԻՏԱՍԱՐԴՆԵՐԻ ՀԵՏ.

ՈՒՂԻՂ 

ՀՀ կառավարությունը Կիրանցի բնակիչներին պարտադրում է գրավոր դիմումներ գրել՝ հրաժարվելու այն գույքից, ինչը կառավարությունը, առանց որևէ իրավական հիմքի, հանձնել է Ադրբեջանին, գրում է «Փաստինֆո»-ն։

Իշխանությունները դիմումի ձևանմուշ են մշակել ու բաժանում են այն բնակիչներին, որոնց գույքը սահմանազատման արդյունքում անցել է ադրբեջանական կողմին ու պարտադրում ստորագրել առ այն, որ հրաժարվում են բոլոր գույքային պահանջներից Հայաստանի Հանրապետության նկատմամբ՝ համապատասխան գումարը ստանալով։

Ավելին, դիմումով բնակիչը լիազորում է Տավուշի մարզպետի աշխատակազմին` դիմում ներկայացնել Կադաստրի կոմիտե՝ իր գույքի նկատմամբ իրավունքի դադարման պետական գրանցում կատարելու համար։
Հիշեցնենք, որ արդարադատության նախարարությունը դեռ մայիսի 20-ին կեղծ տեղեկություն էր տարածել՝ պնդելով, թե, Կիրանցի մի շարք բնակիչներին տրված սեփականաշնորհման վկայականները սխալ տվյալներով են, այսինքն, կեղծ են։

Մեջբերում ենք պաշտոնական փաստաթղթից. «Պետք է փաստել, որ համապատասխան իրավունքների պետական գրանցումները կատարվել են ոչ ճշգրիտ տվյալների հիման վրա: Այդ գրանցումները չեն կարող իրավական հիմք հանդիսանալ պնդելու, որ անճշտությունների հիման վրա պետական գրանցումների կատարման փաստի ուժով խնդրո առարկա տարածքները համարվում են ՀՀ ինքնիշխան տարածքի մաս»։
Մինչդեռ, կեղծ վկայականների մասին իրավապահները տեղեկություններ չունեն, համենայն դեպս, աղբյուրի հարցմանն ի պատասխան դատախազությունը փաստել է, որ նման քրեական վարույթ չկա։

Հետևաբար՝ ՀՀ ինքնիշխան տարածքի մաս հանդիսացող գույքը կամայական որոշմամբ Ադրբեջանին հանձնումը հանցագործություն է ու իրավապահ մարմինները պետք է դրա համար քրեական վարույթ նախաձեռնեն։
Այս պարտադրվող դիմումներից պարզ է դառնում, թե ինչու են աստղաբաշխական գներով, ինչպես օրինակ, 1000 դոլար արժողությամբ վագոն -տնակի համար կառավարությունը 50 000 դոլար առաջարկում կիրանցցիներին։

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ ««Նախկինացավ» կպածները հիմնականում չեն էլ հասկանում, որ այս իշխանության օրակարգին են սատարում՝ նախկին եզրույթի ներքո մտածելով ու գործելով:

Նախկիններ, նախկին բարքեր շահարկողները լավ կլիներ նայեին այս ամենին համակարգային տեսանկյունից, և սա անելու պարագայում կտեսնեին, որ ներկա իշխանությունն ավելի նախկին է, քան այս համակարգի անցյալի որևէ պաշտոնյա:

Սահմանեք ձեզ համար նախկին եզրույթը, ինչ եք հասկանում նախկիններ ասելով ու դրան այդպես ժրաջան ընդդիմանալով: Գուցե փայլատակի, որ ինչին փորձում եք ըննդիմանալ այլևս չկա, իսկ ինչ կա ձեր քթի տակ է ու ձեզ կառավարում է՝ ձեզ հանելով մի բանի դեմ, որ այլևս չկա. Իսկ ավելի ճիշտ, հենց ինքը ներկան է այդ նախկինը:

Տնաշեններն այնքան ջերմեռանդ են նախկին «մերժում», որ քիչ է մնում անցնեմ այդ մարդկանց սատարման:

Ընդ որում, իմացողները գիտեն, որ ինքս եմ նախաձեռնություններ ձեռնարկել նախկին համակարգի դեմ, որն ի դեպ հիմա առկա համակարգն է»։

Աղբյուրը` Հովհաննես Ավետիսյան

ՀՀ ՇՄՆ հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանն իր ֆեյսբուքյան էջում գրել է.

«Կուզենա՞ք հունիսի վերջին կրկին գարուն գա»:

Հունիսի 12-ին Բաղրամյան-Դեմիրճյան խաչմերուկում ոստիկնության կողմից խաղաղ, անզեն ցուցարարների վրա լուսաձայնային նռնակներ կիրառելուն անդրադարձան եվրոպական մի շարք կառույցներ։ ԱՄՆ դեսպանատունը տարածել էր մի հայտարարություն, որտեղ որեւէ քննադատություն չկար իշխանությունների հասցեին։ Այս իրողությունը լայնորեն քննարկվեց հանրային տիրությում։ Ավելի վաղ Բագրատ Սրբազանը անդրադառնալով ԱՄՆ դեսպանատան վերաբերմունքին ասել էր․ «ԱՄՆ դեսպանությունը, որի օժանդակությամբ տեղի է ունենում ոստիկանական բարեփոխումները, պետք է արձագանքեն տեղի ունեցած վայրագություններին, արյունահեղությանը՝ անկախ իրենց վերաբերմունքից մեր շարժմանը»։

Շարժմանը միացած «Բեւեռի» խորհրդի անդամ Վահե Գասպարյանը «Հրապարակ»-ի հետ զրույցում նկատում է՝ դեսպանատունն իր հայտարարությամբ փորձել է չեզոքություն պահպանել։ 

«Ես չէի ասի, որ մեղադրում են ժողովրդին, փորձել են հավասարակշռված հայտարարություն անել՝ չբռնելով որեւէ  մեկի կողմը։ Հայտարարության սկզբում դիմում են ցուցարարներին՝ կոչ անելով իրենց խոսքի ազատության իրավունքն իրացնել պատասխանատու կերպով, երկրորդ պարբերության մեջ դիմում են իշխանություններին, ուժային կառույցներին՝ կոչ անելով ապահովել մարդկանց խոսքի ազատությունը, հետաքննել բռնության դեպքերը, առաջին հերթին նաեւ լրագրողների մասով։ Դեսպանատունը շատ ուշադիր հետեւում է տեղի ունեցող զարգացումներին։ Այս հայտարարությունից միանշանակ երեւում է, որ ամերիկյան կողմը  փորձում է հավասարակշռություն պահել, չի սատարում որեւէ կողմի։ Անշուշտ մենք կուզեինք, որ հայտարարությունը շատ ավելի կոշտ լիներ, քննադատրվեր ուժայինների գործողությունները, բայց ինչպես ասում են՝ ունենք այն ինչ ունենք»,-նշեց նա։

Գասպարյանը հույս է հայտնում, որ շարժումը ցույց կտա, որ աշխարհաքաղաքական ուժերի պրոյեկտ չի, այլ սպասարկում է ազգային շահերը։ «Ինչպես Սրբազանն ասաց՝ ազգային ազատագրական շարժում է, նպատակ ունենալով օր առաջ հեռացնել դավաճան իշխանությանը։ Այդ ժամանակ, հուսով եմ ԱՄՆ-ի մտավախությունն առ այն, որ շարժման հետեւում կանգնած է Կրեմլը՝ կվերանա։ Ժամանակն է բարձրաձայնել ճշմարտությունն ամբողջությամբ՝ բացահայտելով գլխավոր սուտը, որը մեր բոլոր խնդիրների պատճառն է։ Այդ գլխավոր սխալը մենք գործել ենք հեռավոր 1990-ականներից, երբ Կրեմլի ուղիղ պարտադրմամբ, եւ այն ժամանակվա երկրի քաղաքական իշխանության ձեռամբ Հայաստանը հրաժարվեց լինել Առաջին Հանրապետության իրավահաջորդը եւ բռնեց Երրորդ Հանրապետության կառուցման ճանապարհը։ Մենք մեր ձեռքերով հայտնվեցինք իրավական թակարդի մեջ՝ հայտնվելով օկուպանտի դերում։ Աշխարհի համար ստացվեց այնպես, որ մենք ոչ թե ազատագրել, այլ օկուպացրել ենք Արցախը։ Կարծում եմ, որ ժամանակն է հայ հասարկությունը, ազգային քաղաքական ուժերը, շարժումը որպես ազգային ազատագրական շարժում, հենց այս շեշտադրումներն անի եւ բացահայտի այս գլխավոր սուտը»,-ասաց նա։

Անդրադառնալով այն տեսակետներին, որ Բագրատ Սրբազանի գլխավորած շարժումը մարել է, Վահե Գասպարյանն նկատեց․ «Շարժումը չի մարել, մարելու թեզն ասպարեց են նետում ռուսական ծիրում գտնվող հայտնի դեմքեր՝ Էդմոն Մարուքյանն ու Տիգրան Ուրիխանյանը, որոնք կասկածելի զուգադիպությամբ նույն օրը քննադատեցին շարժումն ու խոսեցին մարման մասին»։

Քաղցկեղի պատվաստանյութի կլինիկական հետազոտությունները, որոնցում ներգրավված են քաղցկեղով հիվանդներ, նախատեսվում է սկսել մինչև 2025 թվականի կեսերը։ Այս մասին ՌԻԱ Նովոստիին ասել է ՌԴ Համաճարակաբանության և մանրէաբանության գիտահետազոտական ​​կենտրոնի տնօրեն Ալեքսանդր Գինցբուրգը։

«Կարծում եմ, որ հաջորդ տարվա կեսերին մենք կսկսենք պատվաստանյութի կլինիկական փորձարկումները քաղցկեղով հիվանդների մասնակցությամբ», - ասել է Գունցբուրգը:

Մասնագետի խոսքով՝ պատվաստանյութն այժմ փորձարկվում է մկների վրա նախակլինիկական հետազոտություններում։

Երևանում հունիսի 12-ի հանրահավաքի ժամանակ ձեռքի և մարմնի այլ հատվածներում վնասվածքներ ստացած Եսայի Քարամյանի կինը՝ Նաիրա Սահակյանը, նոր մանրամասներ է հայտնում Եսայիի առողջական վիճակից․

«Առաջ ենք գնում։ Առաջիկա օրերին երկրորդ վիրահատությունը կարվի ձեռքերի վրա։

Ընդհանուր անզգայացմամբ վիրահատություն է լինելու, բայց բարեբախտաբար կյանքին սպառնացող վտանգ չկա։ Բժիշկները իրենց գործը լավ են անում։

Իհարկե, աջ ձեռքի ֆունկցիոնալությունը ետ չենք բերի, բայց չենք հուսահատվում։

Շնորհակալ ենք բոլորին, ովքեր հետքրքրվեցին այս ընթացքում, առողջություն մաղթեցին, մեր կողքին եղան։

Շնորհակալ ենք լրագրողներին, ովքեր լուսաբանում են ու ճշմարտությունը տարածում։

Մի օր (հուսով եմ ոչ հեռու ապագայում) մեր երկրում էլ նորմալ ոստիկան կլինի, այլ ոչ թե զինված հանցախումբ, որ պատրաստ է երկու կոպեկի համար ամեն հրաման կատարել։

Դե իսկ հրաման տվողներն էլ իրենց արժանի պատիժը կստանան վաղ թե ուշ։ Չեն մարսելու»,- գրել է ահակյանը։ 

«Հրապարակի» զրուցակիցը «Տոնոյան» բժշկական կենտրոնի տնօրեն Տարոն Տոնոյանն է:

- Վերջին շրջանում ՀՅԴ-ի դեմ ռեպրեսիաներ եղան, ոմանց կալանավորեցին, ինչ-որ ձայնագրություններ տարածեցին իշխանական կայքերը՝ փորձելով պառակտում մտցնել ընդդիմության ներսում: Ըստ Ձեզ` ի՞նչ է տեղի ունենում:

- Գուցե մի փոքր ինքնագովեստի նմանվի ասածս` որտեղից վտանգ են տեսնում, փորձում են հենց այդտեղ էլ վնաս հասցնել: Հիմնական պատճառը թերեւս սա է: Մերոնց պահվածքին, կեցվածքին նայեք՝ 4 տարվա ընթացքում մեզնից չեղավ մեկը, ով պայքարից կիսատ-պռատ դուրս գար, թողներ գնար` անձական խնդիրների եւ այլ բաների ետեւից: Մերոնց տեսակը դա է: Ուստի պարզ է, որ հենց մերոնց դեմ են պայքարում: Մենք եղել ենք այդպիսին, կանք ու շարունակելու ենք լինել: Քանի դեռ վտանգված է հայրենիքը, ոչ մի անձնական պատճառ չի կարող մեզ հետ պահել այն համընդհանուր մեծ խնդրից, որը վնասում է մեր հայրենիքը․ անձնական բիզնես, առողջություն, շահեր… մեզ համար ոչինչ հայրենիքից կարեւոր չէ: Գուցե ասածներս շատ վերամբարձ են հնչում, բայց սա Դաշնակցության տեսակետն է:

- Բագրատ սրբազանի գլխավորած շարժումը պասիվացավ, իշխանությունները չարախնդում են, որ հերթական անգամ հաղթեցին եւ շարունակելու են իրենց հակահայ քաղաքականությունը:

- Իշխանությունները սխալվում են՝ ասելով, թե մարել է շարժումը: Եթե մարած լիներ, նույն այդ իշխանություններն ինչո՞ւ են մեզ ենթարկում բռնաճնշումների: Նշանակում է` լավ էլ գիտակցում են, որ շարժումը չի մարել: Այս պայքարի յուրահատկությունն այն է, որ ժամանակի գործոնը պայքարից հեռացավ: Ես ավելի քան վստահ եմ, որ եթե Բագրատ սրբազանը ցանկանա լցնել փողոցները, փողոցները կլցվեն, պարզապես ամռան այս տապին, հասկանալի է, որ ակտիվությունը որոշ ժամանակով նահանջելու է: Առջեւում, անկասկած, Նիկոլ Փաշինյանը գնալու է նոր զիջումների: Սրբազան շարժման մեջ չկա ժամանակի գործոն: Այդ մարդիկ տուն են գնացել` հետ գալու հույսով, գուցե մի փոքր հատվածն իսկապես հիասթափվել է, բայց մեծ մասը վերադառնալու է, եւ պայքարը հաջողելու է: Իշխանությունն ավելի շատ վախենում է նրանից, որ պայքարը չունի ժամանակի գործոն, սրբազանը հենց նորից ցանկանա, հրապարակում տեղ չի լինելու: Ես դրանում կասկած չունեմ:

- Իսկ ինչո՞ւ չի ցանկանում:

- Որովհետեւ այս պահին հնարավոր չէ: +40 աստիճան տաքություն է դրսում: Մանավանդ հիմա առանձնապես քաղաքական գործընթացներ չկան, շուտով Ազգային ժողովն էլ արձակուրդ կգնա, մայրաքաղաքը կիսադատարկ է, ես չգիտեմ մի երկիր, որտեղ քաղաքական ակտիվ գործընթացներ լինեն ամռանը: Մայիսին շարժումը մեկնարկեց հարկադրված՝ Տավուշի սահմանազատման հետ կապված, ես չգիտեմ, թե տասն օրից ինչ կարող է լինել: Գուցե նորից ոտքի կանգնելու անհրաժեշտություն առաջանա:

- Ընդդիմությանը մեղադրում են մանդատները վայր չդնելու համար: Դուք ի՞նչ կարծիքի եք սրա մասին:

- Նույնիսկ Ռուբեն Ռուբինյանը բարձրաձայնեց, որ մանդատ վայր դնելով չի առաջանում սահմանադրական ճգնաժամ։ Ես չեմ բացառում, որ գալու է մի պահ, եւ այդ մանդատները վայր դնելու են, այն Ազգային ժողովը, որը վավերացնելու է այդ սահմանազատում ասվածը, չպետք է ունենա ընդդիմադիրներ, այո, այդ ժամանակ պետք է վայր դնեն մանդատները: Այսօր մանդատները վայր դնելով շահագրգռված են իշխանության արբանյակները, իմ կարծիքով` շատերն էլ կրկնում են արբանյակների խոսույթը՝ առանց խորամուխ լինելու: Նիկոլի երազանքն է, որ գա Ազգային ժողով եւ այնտեղ չտեսնի ընդդիմադիրներին կամ տեսնի իր կողմից սիրելի «ընդդիմադիրներին»:

Սրբազան պայքար տելեգրամյան ալիքից հայտնում են.

ՆԳՆ մեր աղբյուրները տեղեկացնում են, որ վերջին երկու օրերին գերատեսչությունում ընթանում է հունիսի 12-ին խաղաղ հավաքի մասնակիցների դեմ կիրառված ԺԱՄԿԵՏԱՆՑ հատուկ միջոցների օգտագործման փաստի կոծկում։ 

Թույլ տրված ապօրինության հետքերը «մաքրելու» միտումով ՆԳՆ հատուկ հանձնաժողովը «դուրս է գրել» կիրառված ժամկետանց հատուկ միջոցները։ Որոշ փոփոխություններ են կատարվել նաև ՆԳՆ տարբեր պաշտոնյաների՝ ավելի վաղ արձակված հրամաններում ու հանձնարարականներում։

Չնայած դրան, ըստ մեր աղբյուրների, ՆԳՆ պահեստներում դեռևս շարունակում են պահվել ժամկետանց հատուկ միջոցներ։ Նշենք, որ դրանց կիրառումը քրեորեն պատժելի արարք է։