«Հրապարակ» թերթի խմբագիր Արմինե Օհանյանը գրում է.

«Ինչո՞ւ է համեստ, ամաչկոտ, քչախոս, զուսպ մարդն արագությամբ` ուղղակի մի քանի տարում կատաղում, հաբրգում, լկտիանում, դառնում ամբարտավան ու անպատկառ: Այո, ճիշտ եք` նման արագությամբ միայն մի բան կարող է մարդուն փչացնել` բարձր պաշտոնը: Նա արագ մոռանում է, թե ով է ինքը, որտեղից է եկել, ում շնորհիվ է հասել այդ «բարձունքին», եւ սկսում է «վերեւից նայել» մարդկությանը: Դրա համար, իհարկե, ե՛ւ օբյեկտիվ պատճառներ կան, ե՛ւ սուբյեկտիվ:

Օբյեկտիվն այն է, որ շրջապատը սկսում է ինտենսիվ փչացնել նրան` քծնել ու երկտակվել: Նա սկսում է տեսնել մարդկության բոլոր արատները, թե ինչ ստորությունների են պատրաստ մարդիկ` հանուն փողի ու պաշտոնի: Տեսնում է, թե ինչպես են իրենց մեծարում եւ հնազանդվում իրենցից շատ ավելի արժանավոր` գիտելիքներ ու փորձ ունեցող մարդիկ, որոնք երբեմն նաեւ պատրաստ են նվաստանալ պաշտոն զբաղեցնող անձանց առաջ: Բայց մեծ դեր է խաղում նաեւ այն, որ անցյալում վատ ապրած, հալածված ու չարքաշ կյանքով ապրած այդ անձանց ձեռքում հզոր լծակներ են հայտնվել, փող աշխատելու անհաշիվ հնարավորություններ:

Առհասարակ` գայթակղություններին դիմանալը հեշտ բան չէ․ դրա համար մարդը պետք է լավ դաստիարակություն ստացած լինի, բարոյական արժեքներ դավանի, իր հեղինակությունը նյութական արժեքներից բարձր դասի, գոնե` աստվածավախ լինի: Իսկ փողոցից կաբինետներում հանկարծ հայտնված, փողի համն առած այս մարդկանց մեծ մասը նշածս որակները չունի: Եվ մեր աչքի առաջ այդ մարդիկ, որոնք այլ պայմաններում կարող էին ոչ վատ քաղաքացիներ լինել` օրինավոր ու պարկեշտ, կարող էին քաղհասարակություն լինել եւ զսպաշապիկի դեր խաղալ իշխանության ներկայացուցիչների համար, լույսի արագությամբ սկսեցին փչանալ` հարստանալ, հաբրգել, բարոյազրկվել, հայրենիքը որպես տարածք դիտել»:

Քաղաքական մեկնաբան Հակոբ Բադալյանի գրառումը․ ««Իրական Հայաստանի» գաղափարախոսություն ասվածն այլ բան չէ, քան քարոզչական մտահղացում:

Ինչպես առաջին նախագահ Տեր-Պետրոսյանը մի առիթով խոսել էր այն մասին, որ ազգային գաղափարախոսությունը կեղծ ՔԱՂԱՔԱԿԱՆ կատեգորիա է (քաղաքականն ընդգծում եմ, որովհետև հաճախ այդ խոսքը հիշատակվում է առանց դրա, իսկ՝ դրանով և առանց դրա, արտահայտությունն ունեի արդեն հիմնովին այլ իմաստներ), այդպես էլ կարող ենք ասել, որ «իրական Հայաստանի» այսպես ասած գաղափարախոսությունն է կեղծ քաղաքական կատեգորիա:

Կեղծ է, որովհետև Հայաստանը միշտ էլ կենսագործել է իրականության հիմքով: Այլ հարց է, թե կենսագործունեության զանազան փուլերում փաթեթավորման ինչ «հավելանյութեր» են օգտագործվել, բայց կառավարման մակարդակում մշտապես թելադրողը եղել է իրականությունը:

Թե ինչ եզրահանգումներ, մշակումներ, լուծումներ, որոշումներ են կայացվել՝ ներքին ու արտաքին, տարբեր ոլորտներում և հարթություններում, սա խնդրի մյուս կողմն է, բայց Հայաստանի Հանրապետության կենսագործունեությունը բխել է իրականությունից:

Էլիտաների՝ տնտեսական, քաղաքական, նույնիսկ մշակութային-մտավորական էլիտների ոչ բավարար աշխարհաճանաչողությունը, առաքինության անբավարար աստիճանը կամ ընդհանրապես բացակայությունը, մտածողական ցածր, գավառական նշաձողերը, ընդ որում առ այսօր պահպանվող, պետք չէ շփոթել «անիրական» կամ «պատմական Հայաստանի» հետ:

Եթե իրական Հայաստանը կառավարվել է վատ, անարդյունավետ, ապա միայն անհրաժեշտ մտաբարոյական, արժե-գաղափարական որակների պատճառով, այլ ոչ թե իբր թե իրականի ու պատմականի չտարանջատվածության:

Եվ այսօր էլ, այդ «տարանջատման» թեման՝ իբրև մի հայտնագործություն-լուծում, բերվել է մեջտեղ ըստ էության լոկ այն պատճառով, որ չկան մեջտեղ բերելու վերը նշածս որակները»:

Աղբյուրը` Հակոբ Բադալյան

ՀՀ արտաքին գործերի նախարար Արարատ Միրզոյանը հեռախոսազրույց է ունեցել Թուրքիայի արտաքին գործերի նախարար Հաքան Ֆիդանի հետ։

Այս մասին հայտնում են ՀՀ ԱԳՆ-ից։

Զրուցակիցները քննարկել են երկու երկրների միջև շարունակական երկխոսությանը, ինչպես նաև տարածաշրջանային զարգացումներին առնչվող հարցեր:

Անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացին և պայմանավորվածությունների իրականացմանը:

Հայաստանը ներկայացնող Նիկոլ Փաշինյանն ունի արտաքին աշխարհի աջակցությունը. ուշագրավ է, որ նրան աջակցողների շարքում են Թուրքիան և Ադրբեջանը, սակայն, այդքանով հանդերձ, եթե Հայաստանում հնարավոր լինի կազմակերպել համաժողովրդական շարժում, ընդհուպ՝ Թուրքիայի և Ադրբեջանի աջակցությունն ունեցող Փաշինյանը կհեռանա իշխանությունից, ուստի այժմ անհրաժեշտ է Բագրատ սրբազանի առաջնորդած պայքարին տալ քաղաքական ձև և բովանդակություն, քանզի իշխանափոխությունն ինքն իրենով ամբողջությամբ քաղաքական գործընթաց է։

168 TV-ի «Ռեվյու» հաղորդաշարի եթերում, անդրադառնալով Բագրատ սրբազանի առաջնորդած շարժման վերադասավորման փուլին և փողոցային պայքարի ժամանակավոր դադարի պատճառներին, նման տեսակետ հայտնեց ՀՀԿ ԳՄ անդամ Կարինե Աճեմյանը։

«Ի՞նչ է նշանակում՝ պայքարել իշխանափոխության համար, բայց ասել, որ պայքարը չպետք է լինի քաղաքական։ Ի՞նչ է նշանակում՝ ասել, թե շարժումը պետք է չքաղաքականացնել։ Ուզում եմ բոլորին հիշեցնել, որ Երկրորդ և Երրորդ նախագահների քաղաքական թիմերն են որպես ընդդիմություն ներկայացված խորհրդարանում։ Ուզենք թե չուզենք, դա փաստ է, ուստի հույսը դնել քաղաքականությունը չներկայացնող մարդկանց վրա, դա նշանակում է քաղաքականության այբուբենին ուղղակի չտիրապետել»,- ասաց Կարինե Աճեմյանը։

Նրա խոսքով՝ եթե շարժման նպատակն իշխանափոխությունն է, ապա այո՛, թեև դժվար է լինելու հասնել թուրք-ադրբեջանական տանդեմի աջակցությունն ունեցող Փաշինյանի հրաժարականին, այդուհանդերձ, համակարգված քաղաքական պայքարի պարագայում դա հնարավոր կլինի։

«Ի դեպ, նախկինների մասին է խոսում, օրինակ, Էդմոն Մարուքյանը. ես հո տեսել եմ, թե ինչպես էր նախկինների հետևից վազվզում և բաներ խնդրում. ինքը միակը չէր։ Այս մարդիկ հիմա թեման տանում են դեպի արտահերթ ընտրություններ, որպեսզի իրենց մարդ կուսակցություններով հայտնվեն Ազգային ժողովում։ Պատահական չէ, որ անընդհատ խոսում են ներկայիս ընդդիմության՝ մանդատները դնելու մասին»,- ասաց Աճեմյանը։

ՀՀԿ ԳՄ անդամի խոսքով՝ իրականում այս փուլում արտահերթ ընտրության գնալ ցանկացողների նպատակը ներկայիս խորհրդարանում և գործող ընդդիմության տեղը ղբաղեցնելն է՝ իշխանափոխության փոխարեն։

«Եթե ներկայիս ընդդիմությունը վայր դնի մանդատները, ՔՊ-ականները կկարողանան աշխատել մեկ կուսակցությունով, դա ճգնաժամ չի առաջացնի, մեկ կուսակցությունով կաշխատեն, իրենք իրենց կծափահարեն։ Փաշինյանը եթե գնա արտահերթ ընտրությունների, կդիմի նաև Թուրքիայի և Ադրբեջանի օգնությանը, որպեսզի որևէ նախկին որևէ տեղ չհայտնվի»,- ասաց Աճեմյանը։

Մանրամասները՝ տեսանյութում։

Փաստաբան Նորայր Նորիկյանը ֆեյսբուքյան իր էջում գրել է․

«Հարգելի՛ բարեկամներ Խորը կսկիծով հայտնում եմ, որ այս գիշեր հանկարծամահ է եղել ս.թ. հունվարի 19-ին ՀՀ Գեղարքունիքի մարզի Ազատ գյուղի վարչական տարածքում գտնվող զինվորական կացարանում զոհված 15 զինծառայողներից Գագիկ Բարսեղյանի հայրը՝ 44 ամյա Արման Բարսեղյանը։

Լույսերի մեջ մնաս, սիրելի՛ Արման։

Հարավային Կովկասում կայունության և նույնիսկ բարեկեցության նոր դարաշրջան սկսելու բացառիկ հնարավորություն կա հիմա, թեև Ռուսաստանին դա դուր չի գա, այս մասին ԱՄՆ Ատլանտյան խորհրդում այսօր տեղի ունեցած «Արդյո՞ք Հայաստանն ու Ադրբեջանը խաղաղության եզրին են» թեմայով քննարկմանն ասաց Հադսոնի ինստիտուտի ավագ գիտաշխատող Լյուք Քոֆինը՝ պատասխանելով հարցին, թե ինչ նպատակներ ունի Ռուսաստանը Հայաստանի և Ադրբեջանի հարցում։

«Ռուսաստանն այս տարածաշրջանը համարում է իր ազդեցության գոտի։ Այն օգտագործում է սառեցված հակամարտությունները, լինի դա Աբխազիան՝ Վրաստանում, կամ Ղարաբաղը և դրա հարակից յոթ շրջանները, որպեսզի առավելագույնի հասցնի իր ազդեցությունը տարածաշրջանում»,- ասաց նա։

Լյուք Քոֆինը նշեց, որ այդպիսի մի օրինակ է հենց Հայաստանի և Ադրբեջանի հարաբերությունների կարգավորումը։ Նրա խոսքով՝ այժմ Հայաստանն ու Ադրբեջանը կարող են գործել որպես իսկական հարևաններ, համագործակցել, կարգավորել հարաբերությունները, խաղաղության հասնել ու բարգավաճել։ Սակայն այս ամենը, նրա խոսքով, սպառնալիք է տարածաշրջանում Ռուսաստանի ազդցությանը։

«Թեև Փաշինյանը՝ որպես հայ առաջնորդ և քաղաքական գործիչ շատ խիզախ է գործել, երբ ամեն ինչ մի փոքր հանդարտվի, Կրեմլը նրան թույլ չի տա այդպես հեշտությամբ խուսափել հետևանքներից։ Եվ ես մտավախություն ունեմ, որ Հայաստանը ստիպված է լինելու շատ դժվար ճանապարհ անցնել»,- ասաց նա։

Ըստ Լյուք Քոֆինի՝ ԱՄՆ-ը պետք է հնարավոր ամեն բան անի, որպեսզի խրախուսի ոչ միայն Հայաստանի և Ադրբեջանի, այլև Հայաստանի և Թուրքիայի միջև հարաբերությունների կարգավորումը, բոլորին հավաքի բանակցությունների սեղանի շուրջ, կարգավորի հարաբերությունները, քանի որ դա այս երկրների բնակչության շահերից է բխում։

Նրա խոսքով՝ Ուկրաինայում ունեցած դժվարությունների պատճառով Ռուսաստանի ազդեցությունը թուլանում է Հարավային Կովկասում և սա լավ հնարավորություն է ԱՄՆ-ի, ԵՄ-ի համար։

Ի պատասխան հարցի, թե արդյոք հնարավոր է, որ Ռուսաստանը ևս 2000-3000 զորք ուղարկի Հայաստան, որպեսզի իր կամքը թելադրի Հայաստանին, Լյուք Քոֆինն ասաց, որ պետք չէ մոռանալ, որ Ռուսաստանը դեռ Հայաստանի անվտանգության երաշխավորն է, դեռ մի քանի հազար զինվոր ունի Հայաստանում, վերահսկում է Հայաստանի սահմանների մի մասը, Հայաստանի օդային տարածքն իր հերթին ինտեգրված է ՌԴ-ի օդային տարածքում՝ մշտադիտարկման, անվտանգության առումներով։

«Կարծում եմ, որ Հայաստանի, մասնավորապես Փաշինյանի նկատմամբ Ռուսաստանից եկող սպառնալիքներից շատերը կլինեն հիբրիդային բնույթի»,- ասաց նա։

Մադրիդի «Ռեալի» նախկին խաղացող, Պորտուգալիայի հավաքականի եւ սաուդյան «Ալ Նասրի» 39-ամյա հարձակվող Կրիշտիանու Ռոնալդուն սոցիալական ցանցերում արած մեկնաբանությամբ արձագանքել է Մադրիդի «Ռեալից» 34-ամյա պաշտպան Նաչո Ֆերնանդեսի հեռանալու մասին լուրին։

«Դու «Ռեալի» մեծագույն պատմության հերոսներից մեկն ես։ Հպարտացի՛ր քո նվաճումներով, Նաչո»,- գրել է Ռոնալդուն իսպանացի ֆուտբոլիստի գրառման մեկնաբանություններում։

Նաչո Ֆերնանդեսը «Ռեալի» սան է, 10 տարեկանից ամբողջ կարիերան անցկացրել է Արքայական ակումբում՝ գլխավոր թիմի հետ մասնակցելով 364 հանդիպման, խփելով 16 գոլ, կատարելով 10 գոլային փոխանցում։

26 տիտղոսով Նաչո Ֆերնանդեսը «Ռեալի» պատմության մեջ ամենատիտղոսակիր ֆուտբոլիստն է, 6 անգամ նվաճել է Չեմպիոնների լիգայի գավաթը։

Սպասվում է, որ Նաչո Ֆերնանդեսը կարիերան կշարունակի Սաուդյան Արաբիայի «Ալ Կադիսիայում»։

Վիճակահանությունը պարտադիր է օրենքով, սակայն կան դեպքեր, երբ զորակոչիկը կարող է հետագա ծառայությանը նախօրոշվել առանց վիճակահանության, մասնավորապես, երբ եղբոր ծառայությունը չի գերազանցում 17 ամիսը, կարող է զորակոչվել նույն զորամաս եւ պաշտպանության նախարարի հրամանով սահմանվածեն հատուկ մասնագիտաակն սոտրաբաժանումներում ծառայության անցնելու կարգերը:

Այս մասին ՊՆ լրատվական ծառայությանը տրված հարցազրույցում ասել է ՀՀ ՊՆ զորակոչային և զորահավաքային համալրման ծառայության պետի ժամանակավոր պաշտոնակատար, գնդապետ Արեն Սարգսյանը:

Նա նշել է, որ ՊՆ-ն միշտ հայտարարում է այդ մրցույթների մասին, տեղադրում պաշտոնական տեղեկագրերում եւ դա բաց եւ թափանցիկ գործընթաց է իրենից ներկայացնում իրենից:

 ԻՍԼԱՄԱԿԱՆ ՖՈՒՆԴԱՄԵՆՏԱԼԻԶՄԸ, ԹՈՒՐՔԻԱՆ ԵՒ ՌՈՒՍԱՍՏԱՆԸ

Վահաբական և սալաֆիական մուսուլմանական հոսանքները ժամանակին սնեցին ահաբեկչական շարժումները ամբողջ աշխարհում։ Սրանց մասնակցությամբ մահմեդական ահաբեկչությունն աննախադեպ ծավալների հասավ Մերձավոր Արևելքում և հյուսիսային Աֆրիկայում, հավակնելով ստեղծել Իսլամական Խալիֆայություն` հիմնված շարիաթի օրենքների վրա։

Ալ-Քայիդայից հետո սա երկրորդ հզոր միջազգային ահաբեկչական հոսանքն էր, որը ֆիզիկապես կարողացավ առնվազն Մերձավոր Արևելքի երկու երկրներում` Սիրիայում և Իրաքում գրավել հսկայածավալ տարածքներ և հռչակել խալիֆայություն։

Իսլամական ֆունդամենտալիզմի այս երկու շարժումները` վահաբական և սալաֆիական, կենսական կապերով կապված են Թուրքիայի հետ, իսկ վահաբական շարժումը բավականին մեծ տարածում ուներ Ադրբեջանում։ Ժամանակի ընթացքում այս իսլամական արմատական աղանդները տարածվեցին նաեւ Միջին Ասիայի երկրներում, որոնցից հատկապես տարածվածության իմաստով աչքի էին ընկնում Ուզբեկստանը, Ղրղըզստանը, Տաջիկստանը։ Հետաքրքիրն այն է, որ տարածման համար կենսունակ միջավայր էր նաեւ աղքատության բարձր մակարդակը և ցածր կենսամակարդակը, կրթական ցածր ցենզը և հետամնացությունը։ Այս հանգամանքը փաստորեն ընդհանուր է բոլոր աղանդների համար։ Ճիշտ այդպես էլ աղանդները սկսեցին տարածվել Հայաստանում 1988-ից հետո, իրենց հաջողության գագաթնակետին հասնելով հատկապես 1994 թվականից հետո, երբ ազգային վերելքին սկսեց փոխարինել հիասթափությունն ու կենցաղային բարդ պայմանները։

Ռուսաստանում տեղի Դաղստանում տեղի ունեցած ահաբեկչական գործողությունները ըստ ռուսական մամուլի ուղիղ կապ ունի հենց սալաֆիական աղանդի հետ։ Ընդհանրապես, Ռուսաստանի աքիլեսյան գարշապարը հենց իսլամական ֆունդամենտալիզմն է, իսկ ռուսական տարածության մեջ թե‘ սալաֆիական, թե‘ վահաբական և թե‘ իսլամի մյուս` ավելի փափուկ հոսանքների վրա էական, եթե չասեմ հիմնական ազդեցություն ունեն Սաուդյան Արաբիան և Թուրքիան։ Ի դեպ` այս երկուսն էլ, որպես Սուննի ուղղության երկրներ, հավակնում են իսլամական խալիֆի աստիճանին, բայց սա այլ պատմություն է...

Ռուս-չեչենական պատերազմները ևս գալիս են ապացուցելու, որ Թուրքիան Ռուսաստանի ներսում տեղի ունեցող բոլոր անջատողական իսլամական շարժումների ո‘չ միայն աջակցողը, այլև նախաձեռնողներից մեկն է։

Անկասկած` ռուս-ուկրաինական պատերազմից Ռուսաստանն առնվազն պարտված դուրս չի գա ռազմական իմաստով, իսկ ներքին` իր «աքիլեսյան գարշապարի» ապահովման իմաստով Ռուսաստանն ընտրել է իմ կարծիքով ամենառիսկային ճանապարհը` Թուրքիայի հետ բարեկամությամբ հնարավոր չէ ստեղծել իսլամական վահան։

Ավելին` Թուրքիան ունի երկարատև պատմական և ինստիտուցիոնալ հիշողություն և երբեք չի‘ ների Ռուսաստանին Օսմանյան կայսրության կործանման համար։ Թուրքիան կյանքի գնով անգամ փորձելու է վրեժխնդիր լինել Ռուսաստանից։ Առայժմ Ռուսաստանի դեմ հիբրիդային և քողարկված պատերազմ վարելով, ռուսական քաղաքական և ռազմական էլիտայի մեջ իր ազդեցության մարդկանց ներդնելով, ռուսական օլիգարխիայի մեջ սեփական հզոր ներկայացուցիչներ ունենալով ռ նրանց միջոցով ազդելով ռուսական քաղաքականության վրա։

Իսլամական ֆունդամենտալիզմը դանդաղ գործունեության ռումբ է` դրված Ռուսաստանի պետականության հիմքերի տակ։

#Фундаментализм

#Вахабиты #Салафиты

#Россия_Турция

#Месть за #разгром #Османской_Империи

Արա Պողոսյան 

Բլոգեր, խմբագիր Արամ Գևորգյանի ֆեյսբուքյան գրառումը․ «Շիրակի մարզի Հայկաձոր գյուղի սբ. Գրիգոր Լուսավորիչ կամ Կարմիր վանքի խաչն է:

Եկեղեցին գտնվում է Ախուրյան գետի ափին ու ներկայումս սահմանային չեզոք գոտում է:

Մուտքն անցաթղթով է, տարվա մեջ մի քանի անգամվա համար:

350 կգ-նոց խաչը 2015-ի ուժեղ քամու ժամանակ ընկնում է եկեղեցու գմբեթից, հետո տեղափոխվում է Գյումրի և այսօր Յոթ Վերք եկեղեցու բակում է տեղադրված:

Խաչի վրա տարբեր տրամաչափի բազմաթիվ կրակոցների հետքեր կան:

Խաղաղասեր թուրքերն են 90-ականներին սահմանի այն կողմից կրակել եկեղեցու խաչին...»։