ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
24News-ի բացառիկ տեղեկությունների համաձայն Փարաքար խոշորացված համայնքի նախկին ղեկավար Դավիթ Մինասյանը և Մերձավան վարչական շրջանի ղեկավար, ՔՊ-ական Մհեր Ախտոյանը գտնվում են Քննչական կոմիտեում։
24News-ին հասած տեղեկությունների համաձայն, համայնքի նախկին ղեկավարը և վարչական շրջանի ղեկավարը թույլ են տվել ենթադրյալ չարաշահումներ։
24News-ը կապ հաստատեց Քննչական կոմիտեի խոսնակ Գոռ Աբրահամյանի հետ, վերջինս նշեց, որ այս պահին հրապարակման ենթակա տեղեկատվություն չկա։
Մենք կապ հաստատեցինք Փարաքար խոշորացված համայնքի ներկայիս ղեկավար ՔՊ-ական Լյուդվիգ Գյուլնազարյանի հետ, որը հաստատեց մեր տեղեկատվությունը, որ Մինասյանն ու Ախտոյանը հրավիրվել են Քննչական կոմիտե․
«Մեզանից լավ գիտեք ինֆորմացիան, էլ մեզնից ի՞նչ պետք է իմանաք, ինչ կա՝ մանրամասն գիտեք, ուզում եք, կնիքե՞մ ես ձեր ասածները, ինչ գիտեք՝ ճիշտ է»,- ասաց Գյուլնազարյանը։
Սակայն, թե ի՞նչ գործի շրջանակներում են հրավիրվել կոմիտե, համայնքի ղեկավարը տեղեկություն չունի․
«Այ նախաքննության վերջանալուց հետո կիմանանք, ոչինչ չեն ասել՝ ճիշտն ասած։ Առավոտյան եկել ենք աշխատանքի, աշխատակիցները (իրավապահները - խմբ.) եկել են, ներկայացել են, մի քանի փաստաթուղթ են ուզել, մենք էլ տվել ենք։ Մնացածը՝ նախաքննությունից հետո, խոստանում եմ զրուցենք, Ձեր բոլոր հարցերին պատասխանեմ», - ասաց նա:
Հարցին, իսկ պաշտոնը ստանձնելուց հետո փաստաթղթերին չի՞ ծանոթացել՝ Փարաքարի նախկին համայնքապետը և Մերձավանի վարչական շրջանի ղեկավարը գուցե խախտումներ են թույլ տվել, Գյունազարյանը նշեց․
«Ճիշտն ասած՝ մենք դեռ հանձնում ընդունում էլ չենք հասցրել անել, որովհետև դուք էլ գիտեք, որ Մինասյանը Դավիթը հրաժարական է տվել, մինչև էդ իմպիչմենտի գործընթաց հայտարարվեց, հրաժարական տվեց, հետո իմ երդմնակալության արարողությունը և փաստաթղթաշրջանառությունը ամբողջովին չի, որ գույքագրված է, ուստի ձեր հարցին չեմ կարող սպառիչ պատասխան տալ»։
Հիշեցնենք, որ Դավիթ Մինասյանը մայիսի 22-ին հրաժարական էր ներկայացրել ու պաշտպանել ՔՊ-ական Լյուդվիգ Գյուլնազարյանի թեկնածությունն այն բանից հետո, երբ իր խմբակցության անդամներից մեկը միացել էր իրեն անվստահություն հայտնելու գործընթացին:
ԵՄ-ն և ԵԱՏՄ-ն անհամատեղելի են, և արտատարածաշրջանային դերակատարների մուտքը Հայաստան հետևանքներ կունենա։
Նման կարծիք է հայտնել Ռուսաստանի փոխվարչապետ Ալեքսեյ Օվերչուկը «Պրիմակովյան ընթերցումներ» միջազգային գիտափորձագիտական 10-րդ համաժողովի ժամանակ։
Նրա խոսքով՝ Հայաստանի քաղաքական վեկտորը գնալով ավելի է թեքվում դեպի Արևմուտք։
«Այնպիսի կեսկատակ կա, որը Նիկոլ Վովաևիչն ասել է հարցազրույցներից մեկում։ Պատասխանելով հարցին, թե երբ կանդամակցեր ԵՄ-ին, եթե հնարավորություն ունենար ինքնուրույն ընտրել, Փաշինյանը կատակել է`այս տարի։ Նաև քննարկումներ են ընթանում ԵՄ-ին անդամակցության վերաբերյալ հանրաքվեի անցկացման շուրջ»,- հիշեցրել է Օվերչուկը։
Նա նաև մատնանշել է հայ հասարակության որոշակի դժգոհությունները Ռուսաստանի նկատմամբ։
«Համենայն դեպս, նման տեսակետ կա, և դա պետք է հասկանալ։ Բայց պետք է նաև հասկանալ, որ ԵՄ-ն և ԵԱՏՄ-ն անհամատեղելի են։ Այն օգուտները, որ ինչ-որ երկիր ստանում է Ռուսաստանի հետ մերձեցումից, պետք է ընկալել որպես վճար, որը մենք տալիս ենք մեր անվտանգության և ռազմավարական խորության համար։
Հետևաբար, ինչ-որ արտատարածաշրջանային խաղացողների գալն այնտեղ, իհարկե հետևանքներ կունենա։ Մենք այստեղ նվերներ չենք բաժանում։ Մենք շահագրգռված ենք կայուն Հայաստանով, լավ առևտրային հարաբերություններով, լավ եղբայրական հարաբերություններով», - ասել է Օվերչուկը։
Երեկ՝ հունիսի 24-ին, մահացած ՀՀ ՊՆ N զորամասի զինծառայող Դավիթ Վահանի Ներսիսյանը Գեղարքունիքի Կարմիրգյուղից էր։
NEWS.am-ին վարչական ղեկավար Արայիկ Հոդաբաշյանը պատմեց, որ 19-ամյա Դավիթը տան ավագ զավակն էր, իրենից փոքր ևս մեկ եղբայր ուներ։
«Ընտիր երեխա էր, համեստ ապրող մարդիկ են, արտագնա աշխատանքի էր մեկնում հայրը։ Մեկ տարվա ծառայող էր»,- ասաց վարչական ղեկավարը։
Ավելի վաղ Քննչական կոմիտեն հաղորդել էր, որ զորամասում՝ շարքում կանգնած ժամանակ, Ներսիսյանի մոտ ժամը 9:40-ի սահմաններում նկատվել է ինքնազգացողության հանկարծակի վատացում և գիտակցության կորուստ, որի կապակցությամբ շտապ կարգով տեղափոխվել է զինվորական հոսպիտալ, որտեղ, ժամը 10:00-ի սահմաններում, արձանագրվել է զինծառայողի կենսաբանական մահը: ՀՀ քննչական կոմիտեի զինվորական քննչական գլխավոր վարչության երրորդ կայազորային քննչական բաժնում նախաձեռնվել է քրեական վարույթ՝ ՀՀ քրեական օրենսգրքի 155-րդ հոդվածի 1-ին մասի հատկանիշներով։
Ողջունում ենք խաղաղության ուղղությամբ Հայաստանի և Ադրբեջանի միջև տարվող աշխատանքները, աջակցում ենք Հայաստանի և Ադրբեջանի տարածքային ամբողջականությանը։ Այդ մասին հայտնել է ՀՀ-ում ԱՄՆ դեսպանությունից՝ ի պատասխան «Լուրեր»-ի հարցմանը, թե ինչպես է Միացյալ Նահանգները գնահատում հրադադարի ռեժիմի խախտման դեպքերի հետաքննության երկկողմ մեխանիզմ ստեղծելու հայկական կողմի առաջարկը:
«Մենք ողջունում ենք բարեխիղճ ջանքերը՝ ուղղված լարվածության թուլացմանը և տարածաշրջանում տևական և արժանապատիվ խաղաղության հասնելուն։ Միացյալ Նահանգները պատրաստ է աջակցել հետագա քայլերին կողմերի համար օգտակար ցանկացած ձևով։
Կողմերը վերջին տարվա ընթացքում նշանակալի առաջընթաց են ունեցել։ Մենք քաջալերում ենք կողմերին՝ պահը բաց չթողնել, շարունակել նախկին բանակցությունները և հնարավորինս շուտ ստորագրել համաձայնություն։
Միացյալ Նահանգները հստակ փաստել է, որ այս հակամարտությունը ռազմական լուծում չունի։ Կարծում ենք՝ շարունակվող բռնությունները խաթարում են տևական և արժանապատիվ խաղաղության հասնելու ճանապարհին Հայաստանի և Ադրբեջանի ունեցած առաջընթացը»,- նշել են ԱՄՆ դիվանագիտական ներկայացուցչությունից։
Դեսպանությունից նաև հույս են հայտնել, որ Հայաստանն ու Ադրբեջանը հնարավորինս շուտ կստորագրեն տևական խաղաղության համաձայնագիր՝ ճանաչելով ինքնիշխանությունն ու տարածքային ամբողջականությունը։
Հայաստանը հայտարարել է Պաղեստինը ճանաչելու մասին: Այս ֆոնին Իսրայելը կքննարկի Ադրբեջանին զենքի լրացուցիչ համակարգեր վաճառելու հնարավորությունը, գրում է Zona Militar պարբերականը։
Հոդվածում նշվում է, որ վերջին ամիսներին Ադրբեջանի և Հայաստանի միջև լարվածությունը կրկին աճել է, և Բաքուն Իսրայելի պաշտպանության նախարարությանը գնումների նոր ցուցակ է ներկայացրել:
«Դա տեղի է ունենում Բաքվի և Երևանի միջև խաղաղության պայմանագրի շուրջ բարձր մակարդակի բանակցություններին զուգահեռ։ Իսրայելական աղբյուրները հայտնում են, որ Հայաստանը վերջերս հնդկական արտադրության ATAGS կատարելագործված քարշակվող հրետանային համակարգ գնելու որոշում է կայացրել։
Իսրայելը սերտ կապեր ունի Բաքվի հետ և հանդիսանում է Ադրբեջանին սպառազինության խոշոր մատակարար։ 2020թ․, երբ հակամարտությունը վերածվեց իսկական ռազմական առճակատման, Ադրբեջանն օգտագործում էր Israel Aerospace Industries (IAI) ընկերության արտադրության Lora հեռահար «երկիր-երկիր» դասի հրթիռ, Harop պարեկող զինամթերք, որը նույնպես IAI-ի արտադրության է։
Ավելի վաղ Բաքուն Իսրայելից խնդրել էր Blue Bird ընկերության արտադրության Spy-X պարեկող զինամթերք»,- ասվում է հոդվածում։
«Բայց ինչո՞ւ պիտի Հանրապետականն ու Սերժ Սարգսյանը Նիկոլին բերեին:
Ասում են՝ դե որ հողերն ինքը տար, դե որ քցեին հարիֆի ջեբը:
Հարիֆի ջեբը քցելու լիքը ձև կար, մարդը չէր առաջադրվի, նախագահական ժամկետն ավարտվել էր:
Սերժ Սարգսյանը մնաց, որ էս օրը չընկնենք»,- այսօրվա ասուլիսի ժամանակ հայտարարել է ՀՀԿ-ական գործիչ Էդուարդ Շարմազանովը՝ հավելելով, որ 2018-ին տեղի է ունեցել աշխարհաքաղաքական դավադրություն՝ ՀՀ-ի ու այն իշխանության դեմ, որն իր բոլոր խնդիրներով հանդերձ, ունեցել է վստահելի հարաբերություններ դաշնակիցների հետ, ինչպես նաև՝ կարմիր գծեր։
Ադրբեջանցի տնտեսագետ Գուբադ Իբադօղլուի որդին՝ Ամին Բայրամլին, պատրաստվում է ելույթ ունենալ Ամերիկայի հայ ազգային կոմիտեի (ANCA) կազմակերպած միջոցառմանը, այս մասին գրում է ադրբեջանական Caliber-ը։
Միջոցառմանը կմասնակցեն նաև Արցախի նախկին օմբուդսմեն Գեղամ Ստեփանյանը և Արցախի ժողովրդի իրավունքների պաշտպանության հանձնաժողովի նախագահ Գառնիկ Քերքոնյանը։
«Կարճ՝ ադրբեջանական ընդդիմության մասին»,- գրում են ադրբեջանական լրատվամիջոցները՝ անդրադառնալով ANCA-ի միջոցառման անոնսին։
Նշենք, որ Գ․ Իբադօղլուն տնային կալանքի տակ է անցած տարվանից։ Ադրբեջանում նրան մեղադրում են ԱՄՆ-ում բնակվող թուրք կրոնական առաջնորդ, Թուրքիայում ծայրահեղական և ահաբեկիչ համարվող Ֆեթուլլահ Գյուլենի ղեկավարած FETO կազմակերպության հետ կապեր ունենալու համար: Ադրբեջանի և մի շարք արևմտյան երկրների իրավապաշտպանները պնդում են, որ Իլհամ Ալիևի ռեժիմը շինծու մեղադրանքներով հալածում է իշխանության հասցեին քննադատություն հնչեցրած ընդդիմադիր հայտնի տնտեսագետին:
Թուրքիայի արտաքին գործերի նախարար Հաքան Ֆիդանը թուրքական «Haberturk» հեռուստաալիքին հարցացազրույց է տվել, որի ընթացքում անդրադարձել է ռուս-ուկրաինական հակամարտությանը և դրանից բխող վտանգներին։
Ֆիդանի խոսքով՝ ուկրաինական պատերազմը լուրջ հետևանքներ ունի տարածաշրջանի և աշխարհի համար, և այդ ռիսկը կարող է մեծանալ։ Նա մտահոգություն է հայտնել, որ հակամարտությունը կարող է տարածվել Ուկրաինայի սահմաններից դուրս և հնարավոր է նար միջուկային զենքի օգտագործումը։
«Մեր ամենամեծ մտահոգությունը պատերազմի շարունակությունն է։ Ավելի քան 500 հազար մարդ զոհվել է։ Մենք տեսնում ենք, թե ինչպես է պատերազմը տեղափոխվում Ռուսաստանի տարածք։ Պարոն Պուտինի գլխավորությամբ հայտարարություններ են արվում միջուկային զենք կիրառելու պատրաստակամության մասին։ Սա հենց այն թեման է, որին մենք ի սկզբանե ուշադրություն էինք դարձնում ու զգուշացնում։ Քանի դեռ պատերազմը շարունակվում է, այդ ռիսկը կմնա։ Հնարավոր է, որ հակամարտությունը ամենափոքր կայծից տարածվի այլ վայրեր»,- հավելել է Ֆիդանը:
Թուրքիայի գլխավոր դիվանագետը նաև հայտնել է, որ առաջիկա օրերին սպասվում են հանդիպումներ Ռուսաստանի ներկայացուցիչների հետ, այդ թվում՝ Պուտինի հնարավոր այցը Թուրքիա։
«Մենք սպասում ենք Պուտինի այցին Թուրքիա. Մեր նախագահը նրան հրավիրել է։ Մենք և նրանք ընտրություններ ունեցանք։ Կարծում եմ՝ առաջիկա օրերին այս հարցերը կքննարկվեն»,- եզրափակել է Ֆիդանը։
Թուրքիայի ԱԳՆ-ի ղեկավարը նաև զգուշացրել է 3-րդ համաշխարհային պատերազմի վտանգի մասին՝ ընդգծելով, որ «աշխարհը պետք է լուրջ մոտենա այս հարցին»։
Աղբյուրը՝ Ermenihaber.am:
Ադրբեջանից կրկին մեղադրանքներ են հնչում Հայաստանի հասցեին։ Բաքվից պնդում են, թե իբր ականապատ դաշտերի քարտեզները, որոնք տրամադրել է Երևանը, ճշգրիտ չեն: Այս մասին հայտնում է Ադրբեջանի ականազերծման պետական գործակալությունը՝ ANAMA-ն։
Քարտեզների օգտակարությունը իբր թե չի գերազանցում 25 %-ը, հայտարարել է Ադրբեջանի ականազերծման գործակալության (ANAMA) խորհրդի նախագահ Վուգար Սուլեյմանովը:
«Վերամշակելով այս տվյալները՝ պարզ դարձավ, որ դրանց օգտակարությունը չի գերազանցում 25 տոկոսը, սա շատ ցածր ցուցանիշ է,-ասել է Սուլեյմանովը։
Նա հավելել է նաև, թե Երևանի կողմից տրված տվյալներն իբր ընդգրկում են միայն նախկին շփման գծին վերաբերող տեղեկությունները։
Ֆոտո
