Ալիևը ցեղասպանություն արեց Արցախում, որևէ մեկը ծպտուն հանե՞ց, Արևմուտքն էլ, ՌԴ-ն էլ ջանջիգյար են.

Տեսանյութ

Նիկոլը Հայաստանից տարածքներ է տալու վիզաների ազատականացման սոուսի տակ հանրաքվեով. Էդուարդ Շարմազանով

Տեսանյութ

ԵՏՄ-ին անդամակցությունն այնքան շատ օգուտ է տվել և տալիս Հայաստանին, որ այժմ խոսել այդ կառույցից դուրս գալու մասին, նշանակում է՝ կտրել այն ճյուղը, որի վրա նստած ենք։ Այսօր կազմակերպված «Քաղաքակա՞ն, թե՞ տնտեսական ընտրություն» թեմայով քննարկման ժամանակ այս մասին ասաց տնտեսագետ Հայկ Ֆարմանյանը։

«2023 թվականի տվյալներով՝ Հայաստան-ԵՏՄ առևտրաշրջանառությունն աճել է շուրջ 47 տոկոսով։ Մենք վերաարտահանումների հաշվին արձանագրել ենք տնտեսության աճ, ինչը Հայաստանի Կառավարությունը փորձում է վերագրել իր «հմուտ» քաղաքականությանը, ինչը, իհարկե, այդպես չէ, որովհետև այդ արտահանումների աճը պայմանավորված է ռուս-ուկրաինական պատերազմով»,- ասաց տնտեսագետը։

Ըստ նրա՝ դեպի Եվրամիություն գնալու մասին խոսողները կարող են դիտարկել հարևան Վրաստանի օրինակը. Վրաստանը, թեև ստորագրել է Եվրոասոցացման համաձայնագիրը, սակայն վրացական արտադրանքը ռուսական շուկայից չի պակասել։«Ռուսական շուկայից Վրաստանը չի կտրվել. ավելին՝ ես վստահ եմ, որ առաջիկայում Վրաստանը հայտ կներկայացնի ԵՏՄ-ին անդամակցելու համար»,- ասաց Ֆարմանյանը՝ ընդգծելով՝ Հայաստանը ԵՏՄ-ից հանելու օրակարգն արհեստական է, որն ունի ընդամենը քաղաքական նպատակ։

«Իմ տեղեկություններով՝ 20 միլիոն դոլար է տրվել ԶԼՄ-ներին՝ վերջին տարիներին հակառուսական քարոզ անելու համար։ Մարդկանց ուղեղներն այդ հակառուսականությամբ են լցրել, իրականում ԵՏՄ անդամ հանդիսանալն է բխում Հայաստանի շահերից»,- ասաց Ֆարմանյանը։

Մանրամասները՝ տեսանյութում։

Թուրքիայում գլխավոր ընդդիմադիր ուժ համարվող քեմալականների «Ժողովրդահանրապետական կուսակցության» (ԺՀԿ-CHP) անդամ և Ստամբուլի քաղաքապետ Էքրեմ Իմամօղլուն տվյալներ է հրապարակել քաղաքում բնակվող միգրանտների վերաբերյալ: Այս մասին տեղեկացնում է ermenihaber.am-ը։

Նրա խոսքով՝ գաղթականների թիվը կազմում է շուրջ 2.5 մլն:

Թուրքիայի ներքին գործերի նախարարության համաձայն էլ՝ միգրանտների մեկ հինգերորդը՝ շուրջ 531.000-ը, սիրիացիներ են:

Նշվում է, որ 3.252 օտարերկրացի բնակվում է միջազգային պաշտպանության շրջանակներում, իսկ 553.153-ն ունեն ժամանակավոր բնակություն հաստատելու թույլտվություն:

Հունիսին ԿԽՄԿ-ի աշխատակիցները այցելել են Բաքվում պահվող հայ գերիներին։ Այս մասին հայտնեց Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին։

Նա նշեց, որ բոլորին հնարավորություն է տրվել հեռախոսազանգ ունենալ հարազատների հետ կամ տեսաուղերձ հղել։

Հաղորդվում է, որ անցկացվել են անձնական հանդիպումներ, պայմաններ են ստեղծվել ընտանիքների հետ շփումների համար, ինչպես նաև գնահատվել են նրանց պահման պայմաններն ու նրանց հետ վարվելու կանոնները։

«Իրավունք» թերթը գրում է.Հանքավանում տեղի ունեցած ՔՊ-ական հավաքը, պարզվում է` այդքան էլ հարթ ու խախանդ չի անցել։ ՔՊ-ականների սորոսական ուղղվածության թեւը սկսել է նեղել հարցերով Նիկոլ Փաշինյանին, մասնավորապես` դժգոհել են որոշ նախարարների աշխատանքից ու հարց բարձրացրել, թե ինչու է հանդուրժում վերջիններիս։

Թիրախում եղել է հատկապես առողջապահության նախարար Անահիտ Ավանեսյանը, ում աշխատանքից դժգոհել են համատարած բոլոր թիմակիցները։ Փաշինյանն էլ իրեն հատուկ շուստրիությամբ սկսել է «մաքրել» նախարարին: «Նախարարի փաստաբանն էր դարձել»,-ասում է մեր աղբյուրը։

Հետո էլ թիմին տեղեկացրել է, թե օգոստոսին կարեւոր անելիքներ ունեն, ու յուրաքանչյուրն իր հերթին պետք է հնարավորինս քիչ թշնամիներ հավաքի իր շուրջ։

Ասել է, որ իրենք հիմա լայն հասարակության «պադերժկայի» կարիքն ունեն։ Ու վայն եկել տարել է, թե մեկի պատճառով իրենց դեմ կրքեր բորբոքվեն»:

«Հրապարակ» թերթը գրում է. ««Հրապարակ»-ը մի քանի օր առաջ ֆիքսել է Նիկոլ Փաշինյանի անվտանգության պետ Արմեն Գասպարյանին եւ մի քանի այլ ՊՊԾ-ականների՝ իտալական հեծանիվների Bianchi թանկարժեք խանութում հեծանիվ ընտրելիս:

Բանն այն է, որ Փաշինյանը մտադիր է երկար բեմադրել հեծանվային թատերական ներկայացումը, ուստի ՊՊԾ աշխատակիցներին հրահանգվել է հեծանիվներ գնել, որ Փաշինյանի կողքից հեծանիվ վարելով՝ ապահովեն նրա անվտանգությունը։ Իսկ հեծանվային շոուն մի նպատակ ունի՝ ժողովուրդը պետք է հավատա, որ Փաշինյանը չի վախենում փողոց դուրս գալուց եւ իր երկրում հեծանիվ վարելուց:

Նրա հետ հեծանիվ են վարում, փաստորեն, նրա անվտանգության աշխատակիցները, Հեծանվորդների ֆեդերացիայի անդամներ՝ ֆեդերացիայի նախագահի հետ, եւ ցածր օղակներում աշխատող մի քանի ՔՊ-ական:

Երբեմն լուսանկարներում հայտնվում են նաեւ տարեց մարդիկ, որոնք կա՛մ որեւէ խնդրանքով են առավոտ շուտ գնում դաչաներ, կա՛մ Փաշինյանի հետ լուսանկարվելու համար»:

Ք.գ.դ., պրոֆեսոր Վահե Դավթյանի ֆեյսբուքյան գրառումը. «Նոր աշխարհակարգի ձևավորումն իր առավել ցայտուն դրսևորումն է ստանում Մերձավոր Արևելքում, ինչը որոշակի մարտահրավերներ է պարունակում նաև Հայաստանի համար:

Վերջերս Սաուդյան Արաբիան հայտարարեց 1974թ-ին ԱՄՆ հետ կնքված նավթային համաձայնագիրը չերակարցնելու որոշման մասին, ինչը լուրջ խնդիրներ կարող է ստեղծել Վաշինգթոնի գլխավոր աշխարհաքաղաքական գործիքի՝ դոլլարի համար:
Օրերս էլ հայտնի դարձավ, որ Իրանն ու Բահրեյնը պատրաստվում են վերականգնել դիվանագիտական հարաբերությունները, որոնք խզվել էին դեռ 2016թ-ին՝ Վաշինգթոնի ուղիղ ճնշման ներքո:
Հատկանշական է, որ Բահրեյնը Մերձավոր Արևելքում ԱՄՆ-ի առանցքային սաթելիտներից էր: Բավական է նշել, որ Բահրեյնի ջրերում է տեղակայված ԱՄՆ 5-րդ ռազմական նավատորմը:
Թե Ալ-Ռիադի, թե Մանանայի որոշումները կարող են որակվել որպես Մերձավոր Արևելքում ԱՄՆ ռազմավարական նահանջ, ինչը հատկապես ընդգծվում է տարածաշրանում Չինաստանի ազդեցության աճի ֆոնին:
Թե իրանա-սաուդյան (2023), թե իրանա-բահրեյնյան հարաբերությունների կարգավորումը փաստացի տեղի է ունենում Պեկինի միջնորդությամբ: Վերջինս, սթափ գիտակցելով Ծոցի երկրների կարևորությունը էներգակիրների մատակարարման հարցում, դինամիկորեն զարգացնում է սեփական արտաքին քաղաքականության մերձավորարևելյան վեկտորը: Սակայն եթե ի սկզբանե այդ վեկտորի սնուցումը տեղի էր ունենում բացառապես գեոտնտեսական միջոցներով, ապա վերջին տարիներին, հատապես՝ 2017թ-ից ի վեր, երբ Չինաստանն իր սահմաններից դուրս առաջին ռազմաբազան հիմնեց (Ջիբութի), Պեկինը սկսել է ավելի ներառական մոտեցում դրսևորել՝ հմտորեն կիրառելով դիվանագիտական, լոբբիստական և այլ գործիքներ:
Վիշապն արթնացել է:
Փաստացի այսօր ձևավորվում է մի աշխարհաքաղաքական առանցք, որի ներքո Չինաստանը փորձելու է կյանքի կոչել «Մեծ Եվրասիա» նախագիծը: Վերջինիս առանցքային մեգատարածաշրջաններից է Մերձավոր Արևելքը, որի համար պայքարում Պեկինն առայժմ հաղթում է:
Գանք Հայաստան:
Ակադեմիական աշխարհաքաղաքականությունից քիչ թե շատ հասկացող յուրաքանչյուր ոք կհաստատի, որ Մերձավոր Արևելքն ու Հարավային Կովկասն օրգանապես կապված տարածաշրջաններ են, ինչը հատկապես ընդգծվում է իրանական գործոնի լույսի ներքո:
Չինաստանի ակտիվացումը Մերձավոր Արևելքում, որն իրականցվում է Իրանի հետ ռազմավարական երկխոսության խորացման պրիզմայի միջով, լուրջ հենք է ստեղծում նաև հարավկովկասյան ուղղությամբ նույն չինական ներառականության համար:
Պեկինի աշխարհաքաղաքական սխեմաներում Իրանը դիտվում է նաև որպես Հարավային Կովասում չինական շահերի անուղղակի առաջխաղացման դերակատար: Արդյունքում երկու կողմերն էր բավարարված կլինեն. Թեհրանը կստանա ելք դեպի Սև ծով ու կամրապնդվի որպես տարածաշրջանային գերտերություն, Չինաստանն էլ հնարավորություն կստանա նվազեցնելու այս ուղղությամբ Հնդկաստանի աճող ազդեցությունը՝ ներառելով նոր ձևավորվող տրանսպորտային հաղորդակցությունները «Գոտի և ճանապարհ» նախաձեռնության մեջ:
Այսպիսի կոնֆիգուրացիայի պայմաններում Հայաստանի համար առանցքային արտաքին ու անվտանգային մարտահրավեր պետք է հանդիսանա Իրանի ու Չինաստանի հետ դիվանագիտական, տնտեսական, մշակութային և այլ ուղղություններով ռազմավարական երկխոսության խորացումը:
Թեև ավելի ճիշտ կլիներ խոսել նշված երկրների հետ ոչ թե երկխոսության խորացման, այլ առայժմ գոնե վերականգնման մասին՝ հաշվի առնելով 2020-ին Հայաստանի միացումը իրենից հակաչինական նախաձեռնություն ներկայացնող կրոնական ազատությունների ալյանսին, ինչպես նաև Իրանի հետ գրեթե բոլոր առանցքային նախագծերի փաստացի սառեցումը»: