ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Այսօր լրանում է Արցամի դեմ Ադրբեջանի հարձակման 4-րդ տարելիցը:
Այս պահին «Եռաբլուր» զինվորական պանթեոն են այցելել ՀՀ նախագահ Վահագն Խաչատուրյանը, ԱԺ նախագահ Ալեն Սիմոնյանը, փոխվարչապետ Մհեր Գրիգորյանը, ՊՆ նախարար Սուրեն Պապիկյանը, Գլխավոր շտաբի պետ Էդվարդ Ասրյանը, բազմաթիվ զինվորականներ,, նախարարներ ու ՔՊ-ական պատգամավորներ:
Ոստիկանականական մեծ ուժեր են կենտրոնացած Եռաբլուրում, այդ թվում կարմիրբեևետավորներ:
«Փաստ» օրաթերթը գրում է.
Եթե դիտարկենք պաշտոնական վարկածը, ապա Նիկոլ Փաշինյանը Նյու Յորք էր մեկնել ՄԱԿ-ի 79-րդ՝ «Ապագայի գագաթաժողով» վերտառությամբ անցկացվող Գլխավոր ասամբլեային մասնակցելու, այնտեղ ելույթ ունենալու նպատակով: Բայց հարցեր ծագում են ու՝ բազմաթիվ: Դեռ մի կողմ, որ Նյու Յորքում իր սիրելի «խաղալիքը»՝ հեծանիվը, վարելու ընդմիջումներին ում բռնում, պատմում էր «խաղաղության դարաշրջանի» մասին՝ անկախ նրանից՝ դիմացինին դա որքան է հետաքրքրում: ՄԱԿ-ի ԳԱ 79-րդ նստաշրջանում ելույթն էլ հազիվ թե կարելի է նրա օգտին գրանցել: Թեպետ, ելույթը առանձին քննարկման նյութ է, և դրան դեռ կվերադառնանք: Սեպտեմբերի 24-ի ուշ երեկոյան ակնհայտ դարձավ Նիկոլ Փաշինյանի՝ Նյու Յորք մեկնելու առանցքային նպատակներից մեկը: Ինչպես հայտնի է, նշված օրը Նիկոլ Փաշինյանը ԱՅՑԵԼԵԼ է թշնամական Թուրքիայի նախագահ Էրդողանին և հանդիպում ունեցել նրա հետ:
Դժվար չէ կռահել, որ «այցելել» բառը հատուկ ենք ընդգծել: Բանն այն է, որ Նիկոլ Փաշինյանը և նրա գլխավորած պատվիրակությունը գնացել են Նյու Յորքում գտնվող երկնաքեր շենքերից մեկը, որտեղ տեղակայված է, այսպես կոչված, «Թուրքիայի տունը»: Այն այդպես է կոչվում, քանի որ այնտեղ են գտնվում ՄԱԿ-ում Թուրքիայի մշտական ներկայացուցչությունը և Նյու Յորքում Թուքիայի հյուպատոսությունը: Հայտնի է նաև, որ ԱՄՆ-ում հակահայկական քայլերը, ծրագրերը, գործընթացները թուրքական հատուկ ծառայությունները համակարգում են նշված վայրից: Եթե ավելի պարզ ու կոնկրետ ասենք, ապա Նիկոլ Փաշինյանը և նրան ուղեկցող անձինք Էրդողանի հետ հանդիպել են թուրքական տարածքում, Թուրքիայի «դաշտում»՝ այսպես ասած, ինչը հատուկ շեշտադրվում է թուրքական լրատվամիջոցներում: Սխալ է կարծել, թե դա պատահականություն է կամ, առավել ևս, մանրուք: Նման հարցերում, այն էլ՝ Թուրքիայի հետ կապված, չեն կարող մանրուքներ լինել:
Իսկ թուրքական կողմը հանդիպումն իր տարածքում կազմակերպելով, կարող եք չկասկածել, ցանկացել է դրան հավել յալ՝ Նիկոլ Փաշինյանին, ըստ այդմ՝ ցավոք նաև Հայաստանն ու հայությանը նվաստացուցիչ վիճակի մեջ դնելու իմաստ հաղորդել: Թեպետ, թուրքերը կարող էին և չչարչարվել դրա համար, քանի որ այդ հանդիպման կադրերը, լուսանկարները ինքնին խոսուն են. Փաշինյանը սիրահոժար արել է իրենից պահանջվածը: Հենց միայն այն պատկերը, որտեղ երևում են Էրդողանն ու վերջինիս գիրքը խանդաղատանքով, կարելի է ասել՝ ջերմորեն կրծքին սեղմած ու երջանկությունից ուղղակիորեն փայլատակող Նիկոլ Փաշինյանը, հազարավոր մեկնաբանություններից ու վերլուծություններից խոսուն է: Կրակի վրա լրացուցիչ յուղ է լցնում այն, թե երբ տեղի ունեցավ այդ հանդիպումը: Իսկ այն տեղի է ունեցել հենց նույն Թուրքիայի, նույն Էրդողանի ու նրա տրամադրած «բայրակթարների», «F-16»-երի, թուրքական զինվորականության ներգրավման միջոցով Արցախի ու Հայաստանի դեմ սկսած պատերազմի 4-րդ տարելիցի նախաշեմին:
Ավելին, դա տեղի է ունեցել ընդամենը 1 տարի անց այն բանից հետո, երբ նույն Էրդողանի գործադրած ջանքերով ևս իրականացվեց Արցախի աննախադեպ ու ամբողջական հայաթափումը, պարզ ասած՝ Արցախի հայության դեմ ցեղասպանությունն ու հայրենազրկումը: Եվ ահա, այդ ոճրագործությունից ընդամենը 1 տարի անց Նիկոլ Փաշինյանը, երջանկություն ճառագելով, «Թուրքիայի տանը» հանդիպում է Էրդողանին, նկարվում՝ նրա գիրքը կրծքին սեղմած, ու ընդհանրապես... Հիմա՝ ՄԱԿ-ի ամբիոնից Փաշինյանի «ելույթի» մասին: Հայաստանի այսօրվա իշխանության ղեկավարը, որ իր պաշտոնավարմամբ, ընդունած որոշումների ու դրանց հետևանքով Հայաստանին ու ՀՀ քաղաքացիներին անթիվ աղետներ, կորուստներ ու նորանոր սպառնալիքներ է բերել, գնացել, հասել է Նյու Յորք, ՄԱԿ-ի բարձր ամբիոնից հայտարարում է, թե եկել է ասի, որ... «ապագա կա, կա ապագա»: Ավելի մեծ ծաղր հազիվ թե կարելի էր հորինել, ընդ որում՝ ոչ միայն հայերիս հանդեպ, այլև բանականության, իրականության նկատմամբ:
Փաշինյանը ՄԱԿ-ի ամբիոնից «հիշեց», որ «ապագա կա»-ն եղել է իր նախընտրական կարգախոսը: Այո, 2021-ի ամռանը, արտահերթ ընտրություններով վերարտադրվելիս, նա հենց այդ կարգախոսն էր առաջադրել: Ըստ որում, հիշեցնենք, որ նա հայտարարում էր նաև, թե՝ Արցախի համար էլ կա՛ ապագա: Ինքն էր հայտարարում, այլ ոչ՝ «նախկինները», «դաշնակիցները», ՀԱՊԿ-ը կամ այլմոլորակայինները (սա հատուկ նիկոլապաշտների համար ենք նշում): Դրանից անցել է ավելի քան 3 տարի: Արցախը Փաշինյանը ոչ միայն բացեիբաց ուրացել է, այլև մատնել ծանրագույն, հնարավոր է, անգամ անդառնալի աղետի: Հիմա Ադրբեջանը զավթել է նաև Հայաստանի ինքնիշխան տարածքից հատվածներ, հիմա Ադրբեջանի բանտերում պահվում են հայ գերիներ, այդ թվում՝ Արցախի ռազմաքաղաքական ղեկավարությունը: Այդ ամենի մասին ՄԱԿ-ի ամբիոնից որևէ բան ասա՞ց Փաշինյանը: Իհարկե, ոչ...
Փոխարենը նա Թուրքիայի նախագահի հետ երջանիկ ժպտում է: Իսկ երբ Փաշինյանը ուրախ-ուրախ ժպտում է, դա նշանակում է, որ հայերս շատ շուտով տխրելու առիթների պակաս չենք ունենալու... Հ.Գ. - Ի դեպ, գիտե՞ք, թե ինչու է Թուրքիան 100 տարի անց վերադարձել Հարավային Կովկաս. շարունակելու հայոց ցեղասպանությունը: Իմացեք, եթե չգիտեք. «Բայց ցեղասպան քաղաքականության շարունակությունը Թուրքիայի համար միայն հայատյացությունը իրացնելու միջոց չէ, այլև պրագմատիկ խնդիր: Հայաստանն ու Հարավային Կովկասի հայությունը վերջին խոչընդոտն են թուրքական էքսպանսիան դեպի հյուսիս, դեպի հարավ-արևելք և դեպի արևելք շարունակելու և կայսերական երազանքը կյանքի կոչելու համար: Սա արդեն պարզապես Ղարաբաղի հարց չէ, սա միայն հայ ժողովրդի անվտանգության հարց չէ: Սա այլևս միջազգային անվտանգության հարց է, և հայ ժողովուրդը պաշտպանում է նաև միջազգային անվտանգությունը՝ ստանձնելով թերևս մի նորագույն պատմական առաքելություն»: Ավելորդ մի՛ չարչարվեք՝ հեղինակին պարզելու համար: Մեջբերումը Նիկոլ Փաշինյանի ֆեյսբուքյան էջից է, կոնկրետ՝ 2020 թ. հոկտեմբերի 1-ին (այո, 44-օրյայի 5-րդ օրը) արված գրառումն է: Մեկնաբանություններն, իրոք, ավելորդ են:
Քաղաքագետ Գագիկ Համբարյանի ֆեյսբուքյան գրառումը․ «Ֆրանսիացի պաշտոնյաները՝ հատկապես նախագահ Մակրոնը և ԱԳՆ ղեկավար Ժան-Նոել Բարրոնը այս օրերին ցուցադրում են քաղաքական պոռնկության մաստեր-կլասս...
Հետաքրքիր է, սրանք որքա՞ն են անասունի տեղ դնելու հայ ժողովրդին...
Ի գիտություն Ժան-Նոել Բարրոնի, հայերի բռնի տեղահանման թիվ ԵԿՐՈՐԴ մեղավորը (առաջինը Նիկոլ Անհողն է) Ֆրանսիայի հայատյաց նախագահ Մակրոնն է, ում ամնիջական հովանավորությամբ և քավորությամբ է Նիկոլը 2022 թ-ի հոկտեմբերի 6-ին Պրահայում Արցախը ճանաչել Ադրբեջանի մաս...
Ու հիմա, Ֆրանսիայի ԱԳՆ ղեկավարը ինչ-որ հայամետ բաներ է մկկում՝ հույսը դնելով քաղաքականապես անգրագետ և հիմարություններով հրճվող հայության, օրինակ՝ «արիզի քաղաքապետարանը ճանաչեց Արցախի անկախությունը և նմանօրինակ զուգարանի թղթից ավելի էժան արժեք ունեցող փաստաթղթերի ընդունման համար հրճվող որոշ զանգվածի վրա...
Տականք Մակրոնն էլ, ով ջանք չի խնայում Հայաստանում հակառուսական հիստերիա հրահրելու մեջ՝ նպատակ ունենալով դուրս բերել ՌԴ ռազմաբազան Հայաստանից ու դրան փոխարինող ոչինչ չառաջարկելով, հիմա էլ զառանցում է Ադրբեջանի կողմից Հայաստանին տարածքային պահանջներ ներկայացնելուց... Հետաքրքիր է, ֆրանսիասեր հայությունը ինչու՞ չի հարցնում Փարիզին, թե իսկ ռուսներին Հայաստանից վռնդելուց հետո ինչո/ւ հենց նույն Ֆրանիսիան չի տեղակայում իր բազաները Գյումրիում ու պաշտպանի մեր տարածքային անձեռնմխելիությունը... Չեն հարցնում, որովհետև իրենք էլ գիտեն, որ Ֆրանսիան յուրահատուկ ստոր երկիր է և թքած ունի Հայաստանի շահերի վրա... Նա ամեն ինչ անում է Հայաստանը ռուսներից մաքրելու և թուրքերին նվիրելու համար...
Հուսամ, 2022 թ-ի հոկտեմբերի 6-ին Մակրոնի ստորագրությունը Արցախը Բաքվին հանձնելու փաստաթղթի տակ ԲԱՎ է, որ փարատեն Ֆրասնիայի հայասեր և հայապաշտպան լինելու միֆը...»։
Կառավարությունն իր այսօրվա՝ սեպտեմբերի 26-ի նիստում հավանություն տվեց 2024թ. սեպտեմբերի 10-ին ստորագրված Հայաստանի և ԱՄՆ-ի միջև զարգացմանն ուղղված համագործակցության դրամաշնորհային համաձայնագրի թիվ մեկ փոփոխությանը:
Այս փոփոխությամբ Հայաստանին տրամադրվող ԱՄՆ աջակցության ընդհանուր գումարը կավելանա 130 մլն դոլարով՝ ԱՄՆ ՄԶԳ նախատեսվող ընդհանուր ներդրումը հասցնելով 250 մլն դոլարի՝ համաձայնագրի ներքո ծրագրերի իրականացումը շարունակելու և ծրագրերի շրջանակն ընդալնելու նպատակով:
Լրացուցիչ ֆինանսական հատկացումները նախատեսվում են ուղղել այնպիսի առանցքային ոլորտների, ինչպիսիք են՝ աղետների ռիսկի կառավարումը, կիբեռանվտանգությունը, պարենային և էներգետիկ անվտանգությունը, տարածաշրջանային համագործակցությունն ու առևտուրը, ժողովրդավարական գործընթացները և տնտեսական ներառական զարգացումը:
Նշենք, որ ՀՀ կառավարությունը համագործակցում է ԱՄՆ Միջազգային զարգացման գործակալության (ԱՄՆ ՄԶԳ) հետ 1992թ.-ից սկսած:
ԱՄՆ ՄԶԳ-ի կողմից իրականացվող ծրագրերը ներառում են հետևյալ ոլորտները՝ ժողովրդավարություն և կառավարում, տնտեսական աճ և առևտուր, էներգետիկա և ջրային ոլորտ, առողջապահություն, սոցիալական պաշտպանություն, ֆինանսական հատված,մասնավոր հատված:
ԱՄՆ ՄԶԳ-ի նպատակն է օժանդակել Հայաստանին հասնել կայուն զարգացմանը` մրցունակության աճի, բարելավված ժողովրդավարական կառավարման, անվտանգ և ապահով էներգետիկ ռեսուրսների, որակյալ առողջապահական և սոցիալական ծառայությունների հասանելիության միջոցով:
Քեթրին Զետա-Ջոնսը մերկացել է՝ նշելու ամուսնու՝ Մայքլ Դուգլասի 80-ամյակը։
55-ամյա դերասանուհին Instagram-ի իր գրառմամբ ցուցադրել է նվերի գաղափարը։
Լուսանկարում նա հայելու մեջ բոլորովին մերկ տեսք ունի՝ ետ սանրած մազերով։
«Մորեմերկ. Ավելի քան 25 տարի ամուսնուս ծննդյան տարեդարձը միասին նշելուց հետո, ինձ մոտ ավարտվում են նվերների գաղափարները», - գրել է նա լուսանկարի տակ և հավելել. «Սա նվերի երկրորդ տարբերակն է, առաջին տարբերակը գոլֆի գնդակներն են»:
Զետա-Ջոնսն ու Դուգլասը ծնվել են սեպտեմբերի 25-ին։
«Շնորհավոր իմ ու Մայքլի ծննդյան օրը», մակագրել է նա Instagram-ի մեկ այլ գրառում. «Ես սիրում եմ քեզ իմ ամբողջ սրտով»:
Իր հերթին Դուգլասը տարածել է դերասանուհու «Չիկագո» մյուզիքլում լուսանկարը՝ իր սեփական հարգանքի տուրքով։
«Ես սիրում եմ քեզ իմ ամբողջ սրտով», - գրել է նա։ «Թող քո նոր տարին լինի լավագույնը»:
Զետա-Ջոնսն ու Դուգլասը ամուսնացել են 2000 թվականին։
Իսրայելի պաշտպանության բանակը չորեքշաբթի հայտարարել է երկրի հյուսիսային շրջաններում գործողությունների իրականացմանը պահեստային երկու բրիգադների զինծառայողներին ներգրավելու մասին: «Արմենպրես»-ի հաղորդմամբ՝ այդ մասին հայտնում է The Jerusalem Post-ը:
Հրամանատարությունը գտնում է, որ հյուսիսային ուղղությամբ երկու բրիգադների տեղակայումը հնարավորություն կտա շարունակել պայքարը «Հեզբոլլահ» խմբավորման դեմ և ապահովել բնակիչների վերադարձը իրենց բնակարաններ:
Հյուսիսային ռազմական շրջանի հրամանատար, գեներալ-մայոր Օրի Գորդինն իր հերթին հայտարարել է Լիբանանում ցամաքային գործողությանը նախապատրաստվելու անհրաժեշտության մասին։ Միաժամանակ, իսրայելական ինքնաթիռները չորեքշաբթի հարվածներ են հասցրել Լիբանանի տարածքում գտնվող 280 զինապահեստներին և հրթիռների արձակման կետերին:
Ավելի վաղ Իսրայելի ռազմական հետախուզության վարչության նախկին ղեկավար Ամոս Յադլինը The Jerusalem Post-ին հայտնել էր, որի Լիբանանում ցամաքային հարձակմանը պետք է նախորդի երկշաբաթյա օդային գործողություն: Այնուհանդերձ, լրատվամիջոցի աղբյուրները նշել են, որ Լիբանանում ցամաքային գործողության հիմնական հատվածն անհրաժեշտ է ավարտել մինչև նոյեմբերի սկիզբը, որպեսզի զորքերը ստիպված չլինեն ձմռանը գործել լեռներում:
Իսրայելական զինվորականներն այս շաբաթ սկսել են Լիբանանում «Հեզբոլլահ»-ի ենթադրյալ թիրախներին հարվածելու լայնածավալ գործողություն: «Հեզբոլլահ»-ի զինյալներն էլ իրենց հերթին շարունակում են հրթիռակոծել Իսրայելի տարածքը։
«Նոա» ֆուտբոլային ակումբը տեսանյութ է հրապարակել թիմի ու Հայաստանի ազգային հավաքականի դարպասապահ Օգնյեն Չանչարևիչի մասին, որում ֆուտբոլիստն ու կինը խոսել են իրենց ծանոթության, կարիերայի լավագույն պահերի, Հայաստանի կյանքի մասին։
«Մենք հանդիպել ենք 2013 թվականին, այսինքն՝ 11 տարի առաջ, մեր քաղաքում մի հավաքույթի ժամանակ: Նա ինձ գտել էր, երբ Facebook-ը հայտնի էր որպես սոցիալական ցանց, և այնտեղ նա սկսեց ինձ գրել: Սկզբում ես չէի պատասխանում, բայց նա համառ էր և գրեց մոտ կես տարի, մինչև ես վերջապես սկսեցի պատասխանել: Այսպես ամեն ինչ սկսվեց: Սկսեցինք նամակագրություն, հետո հանդիպեցինք, և այսպես ամեն ինչ սկսվեց: Ամեն պահ ինձ հպարտություն է պատճառում, բայց եթե պետք է առանձնացնեմ ինչ-որ պահ, ապա գուցե այն պահը, երբ նա սկսեց խաղալ Հայաստանի ազգային հավաքականի կազմում: Ինչպես նաև վերջերս, երբ նա գոլ խփեց դարպասից դարպաս, դա ևս շատ առանձնահատուկ պահ էր, սակայն եթե պետք է ընտրեմ մի պահ, ապա դա կլիներ հենց այդ գոլը:
Մենք արդեն գրեթե յոթ տարի է, ինչ ապրում ենք այստեղ: Ես պաշտում եմ Հայաստանը, և ամեն անգամ, երբ մեկնում ենք, անհամբեր սպասում եմ, թե երբ կվերադառնանք: Դա բոլորը գիտեն մեր ընտանիքում: Շատ եմ սիրում եմ այստեղի կյանքը»,- ասել է Չանչաևիչի կինը։
Ինչպես «Արմենպրես»-ին տեղեկացրին «Նոա» ֆուտբոլային ակումբից, Հայաստանի հավաքականի դարպասապահը նշել է, որ իր համար ընտանիքի աջակցությունը միշտ կարևոր է եղել՝ սկսած այն պահից, երբ հանդիպել է կնոջ հետ։
«Ես միշտ յուրահատուկ զգացողություններ եմ ունենում, երբ նրանք գտնվում են մարզադաշտում։ Գիտեմ, թե որքան շատ են նրանք աջակցում ինձ՝ անկախ այն բանից՝ նրանք Երևանում են թե Սերբիայում։ Ինձ համար ամենահատուկ պահն այն էր, երբ գոլ խփեցի մի այնպիսի խաղում, որը մեր ակումբի համար շատ կարևոր էր․ ԱԵԿ-ի դեմ Կոնֆերենցիաների լիգայում։ Յուրահատուկ էր նաև նրանով, որ նրանք այդ պահին գտնվում էին մարզադաշտում և կարող էին զգալ մարդկանց ուրախությունը և շուրջը կատարվող ամեն բան։ Դա ինձ շատ է երջանկացնում, քանի որ իմ երեխաներն արդեն փոքր-ինչ մեծացել են, և ես ցանկանում եմ, որ նրանք հիշեն ինչ-որ բան իմ կարիերայից և վաղը կարողանան խոսել այդ մասին»,-ասել է «Նոայի» դարպասապահը:
«Ժողովուրդ» օրաթերթը գրում է․ «2020 թվականի մայիսի 9-ին ՀՀ Պաշտպանության նախարարությունում, բարձրագույն սպայական կազմին ԶՈւ ԳՇ նորանշանակ պետ Օնիկ Գասպարյանին ներկայացնելիս, Նիկոլ Փաշինյանը հայտարարեց. «Հայաստանում զինվորականները պետք է լավ ապրեն»։
Սակայն այդ ելույթից հետո ՀՀ Կառավարությունը շարունակ հետեւողականությամբ ՀՀ ոստիկանության աշխատակիցների աշխատավարձերն է բարձրացրել, իսկ զինծառայողներինը՝ ոչ այդքան: Ավելին, զինվորականները շատ վատ պայմաններում են ապրում նաեւ զորամասերում. կենցաղը զորամասերում՝ ծակ վրաններ, ցեխերի մեջ մահճակալ կամ պարզապես բաց երկնքի տակ։ Կառավարությունը բարելավելու փոխարեն քրեական գործեր է հարուցել տեսանյութեր նկարահանելու եւ այդ պայմանները ցուցադրելու համար։
Զինվորների բնակության վատ պայմանների պատճառը երբեմն նաեւ ողբերգական ավարտ է ունեցել։ Մասնավորապես, 19․01․2023թ․ Գեղարքունիքի մարզի Ազատ գյուղում տեղակայված տնակներից մեկում հրդեհից զոհվեց 15 զինվոր»:
Մանրամասները՝ «Ժողովուրդ» օրաթերթի այսօրվա համարում։
«Հրապարակ» թերթը գրում է. «Ռուսաստանաբնակ գործարար Սամվել Կարապետյանին պատկանող «Հայաստանի էլեկտրական ցանցեր» ՓԲԸ-ի դեմ իշխանությունների սկսած արշավը, պարզվում է, կոնկրետ նպատակ ունի: Մեր տեղեկություններով՝ Նիկոլ Փաշինյանը փայաբաժին է ուզում ՀԷՑ-ից, այնպես, ինչպես ԶՊՄԿ-ից ստացավ ժամանակին: Մինչ այդ, սովորական դարձած ձեռագրով, մասկի շոուներ, հնչեղ բացահայտումներ են արվում, հանրային բողոք է բեմականացվում, ԱԺ-ում լսումներ, որ սեփականատերը բաժնեմաս «նվիրի» կառավարությանը:
Հիշեցնենք, որ ԶՊՄԿ-ում կառավարությունը 21 տոկոսից ավելի բաժնեմաս ունի։ Նույնն ուզում են անել նաեւ ՀԷՑ-ում, եւ այս արշավը դրանով է բացատրվում։ Կան չճշտված տեղեկություններ, որ Կարապետյանը մերժել է բաժնեմասը կամովին հանձնել, ուստի անցել են «ուժային» մեթոդին, իսկ վերջերս հաճախացած հոսանքազրկումները նպաստավոր հող են դրա համար։ ԱԺ-ում այս թեմայով 2 քննարկում են կազմակերպել, խոսել են նաեւ ՔՊ նիստերից մեկում։ ՀԾԿՀ նախագահ Գարեգին Բաղրամյանից հետաքրքրվեցինք՝ իրավական առումով ՀԷՑ-ի դեպքում հնարավո՞ր է նման գործարք, մինչեւ քանի՞ տոկոս բաժնեմաս կարող են հանձնել կառավարությանը։
Նա ասաց, որ իրեն հայտնի չէ նման քննարկումների մասին, բայց տեսականորեն ամեն ինչ հնարավոր է․ «Եթե 2 կողմն իրար հետ համաձայնության են գալիս, ես չգիտեմ՝ այդտեղ ինչ իրավական խնդիր կարող է առաջանալ, դա լինելու է քաղաքացիական գործարք, բայց բաժնետոմսերի 25 տոկոսից ավել փոխանցումը պետք է համաձայնեցվի հանձնաժողովի հետ»։
Առավել մանրամասն թերթի այսօրվա համարում
«Ժողովուրդ» օրաթերթը գրում է․ «ՔՊ-ական պատգամավորներն արդեն երեք օր է ստորագրահավաք են սկսել արդարադատության նախարար Գրիգոր Մինասյանի պաշտոնանկության հարցով:
Եթե պատգամավորների 1/3-ը՝ այսինքն 24 պատգամավոր, իրենց ստորագրությամբ համաձայնություն տա, ապա ՔՊ խմբակցության ղեկավարը Գրիգոր Մինասյանի պաշտոնանկության հարցը Փաշինյանի «սեղանին է դնելու»:
«Ժողովուրդ» օրաթերթի տեղեկություններով՝ Գրիգոր Մինասյանի դեմ այս ստորագրահավաքի նախաձեռնողը Արփի Դավոյանն է՝ Անդրանիկ Քոչարյանի հանձնարարությամբ:
Վերջինս ՔՊ նախաձեռնող նիստերից մեկի ժամանակ հենց Նիկոլ Փաշինյանի ներկայությամբ դժգոհել է Գրիգոր Մինասյանից եւ նրա պաշտոնանկության հարցն է բարձրացրել:
Նիկոլ Փաշինյանն էլ թիմակիցներին ասել է՝ եթե բավարար չափով ստորագրություններ լինեն, ապա պատրաստ է քննարկել հարցը:
Փաշինյանի նախնական «այո»-ն ստանալուց հետո՝ Արփի Դավոյանը լծվել է իր «պարտականության կատարմանը» եւ ստորագրահավաք նախաձեռնել:
ՔՊ մեր աղբյուրների փոխանցմամբ՝ Գրիգոր Մինասյանի պաշտոնանկության հարցը վաղուց է ՔՊ-ի օրակարգում եղել, խմբակցության ֆորմատով դժգոհությունները մի քանի անգամ քննարկվել ու մարել են, իսկ հիմնական պատճառն էլ նախարարի եղբոր՝ հետախուզման մեջ գտնվող, Վատիկանում ՀՀ նախկին դեսպան Միքայել Մինասյանի գործոնն է եղել:
Մեզ փոխանցում են նաեւ, որ թեեւ Գրիգոր Մինասյանին հեռացնելու հարցը այս օրերին ՔՊ-ի հիմնական օրակարգն է, բայց դեռ նրան փոխարինող անգամ չունեն:
Բացի այդ, Գրիգոր Մինասյանին հրամանով պաշտոնանկ անելուց հետո, ավելի բարդ փորձություն է սպասվում ՔՊ-ականներին, քանի որ պետք է նաեւ Մինասյանի «քաղաքական ընկերոջը»՝ ԲԴԽ նախագահ Կարեն Անդրեասյանին հեռացնեն պաշտոնից, ինչը առավել դժվար է իրավական առումով, քանի որ այն անկախ սահմանադրական մարմին է, եւ ուղղակի հրամանով ազատել չեն կարող: Ուստի, հետաքրքիրն առջեւում է»:
Առավել մանրամասն թերթի այսօրվա համարում
Ֆոտո
