Լրագրող Ոսկան Սարգսյանի գրառումը. «Իջևանցի Նիկոլ Փաշինյան, «Հայոց օջախը» թողած՝ Կիրանցից տարածքներ ես հանձնում Ադրբեջանին

Լուսանկարում Իջևանի շրջանի նախկին ղեկավար․ Ջեմմա Անանյանի նախաձեռնությամբ խորհրդային շրջանում սահմանագոտում կառուցված «Հայոց օջախն» է՝ գեղեցիկ ճարտարապետությամբ, հայկական խաչով։

1992 թվականից հետո այդ օբյեկտը և շրջակա մեծ տարածքները չեն օգտագործվում Հայաստանի կողմից, դրանք հավանաբար դարձել են չեզոք գոտի։

Նիկոլ Փաշինյանը փոխանակ «Հայոց օջախը» վերադարձնի Հայաստանին, կադաստրից տրված սեփականության վկայական ունեցող Կիրանցի տարածքներն ու օբյեկտներն է սահմանազատման անվան տակ հանձնել Ադրբեջանին»։

«Փաստ» օրաթերթը գրում է. «Երեկ քպական պատգամավոր Արսեն Թորոսյանն ասել է, որ, տարբեր գնահատականներով, հատկապես ՄԱԿ-ի բնակչության հիմնադրամի կողմից կատարված ուսումնասիրությամբ, մենք 2050 թվականին կունենանք հազիվ 2,3 մլն մարդ: Սա ուշագրավ է հատկապես այն առումով, որ ժամանակին Արսեն Թորոսյանի շեֆը՝ Նիկոլ Փաշինյանը, հայտարարում էր, թե 2050 թվականին Հայաստանի բնակչությունը պետք է հասցնենք առնվազն 5 միլիոն մարդու: Հիշեցնենք, որ նման հայտարարություն Նիկոլ Փաշինյանն արել էր 2019 թվականին Ստեփանակերտի Վերածննդի հրապարակում: Թե ինչեր եղան այդ օրվա նրա հայտարարություններից հետո, ակնհայտ է:

Իսկ 5 մլն մարդու հետ կապված՝ դեռ այն ժամանակ շատերն էին նշում, որ գործ ունենք մաքսիմալ հեռու ժամկետի համար տրվող անպատասխանատու (նաև այն իմաստով, որ 2050 թվականին... «ով՝ սաղ, ով՝ մեռած») հերթական հայտարարության հետ: Իսկ հիմա նաև նրա խմբակցության անդամն է նշում, որ Փաշինյանը, դե, առնվազն կրկնակի մեծ թիվ է ասել: Ոչ պակաս ուշագրավ է, թե ինչպես է տեսնում հարցի լուծումը նույն Արսեն Թորոսյանը: «Իմ խորին համոզմամբ, կարող ենք մեր ժողովրդագրությունը բարելավել միայն ներգաղթով, ուրիշ տարբերակ չկա: Մեզ պետք են շատ մարդիկ, որ գան Հայաստանում ապրեն, ակնհայտ է նաև, որ այդ շատ մարդիկ հայերը չեն լինելու: Հայեր էլ կլինեն, իհարկե, ոչ այդքան բարվոք երկրներից»,-ասում է նա:

Ի դեպ, հիշեցնենք, որ ապրիլին բրիտանական The Times պարբերականը տեղեկություններ էր հրապարակել Մեծ Բրիտանիայի ԱԳՆ-ի կողմից Հայաստանի, Կոտ դ’Իվուարի, Կոստա Ռիկայի և Բոտսվանայի ներկայացուցիչների հետ բանակցությունների վերաբերյալ՝ ապօրինի ներգաղթյալներին ընդունելու հարցերի շուրջ: Ըստ հրապարակման, Լոնդոնն ակնկալում է այս չորս երկրի հետ կնքել Մեծ Բրիտանիայի և Ռուանդայի միջև նախկինում ձեռք բերված համաձայնագրի համարժեքը: Նշվում է նաև, որ Հայաստանն ակնկալում է այս գործարքից ստանալ առնվազն 290 միլիոն ֆունտ ստեռլինգ:

Այն ժամանակ ՀՀ ԱԳՆ-ն հերքումանման մի տեքստ տարածեց մասնավորաբար հետևյալ ձևակերպմամբ. «Հայաստանն ու Մեծ Բրիտանիան ունեն քաղաքական երկխոսության լայն օրակարգ, սակայն կոնկրետ հրապարակման մեջ բարձրացված հարցի վերաբերյալ առարկայական կամ տեխնիկական բանակցություններ չեն եղել»: Հիմա արդեն քպական պատգամավորն առաջարկում է Հայաստանը լցնել «ոչ հայերով»: Թե որքան են կապված այս հայտարարությունն ու The Times պարբերականի «սլիվը», ցույց կտա ժամանակը: Սակայն, ամեն դեպքում, պետք է արձանագրել, որ քպականները ոչինչ առանց «շեֆի» հետ համաձայնեցնելու չեն անում: Նույնիսկ հենց «շեֆի» թվերին «հակադրվելը»:

Առավել մանրամասն թերթի այսօրվա համարում

SHAMSHYAN.com-ի տեղեկություններով՝ մայիսի 31-ին ՀՀ Ներքին գործերի նախարարության Ոստիկանության Արաբկիրի բաժնի կողմից հետախուզում է հայտարարվել Տավուշի մարզի բնակիչ, 35-ամյա Թաթուլ Ասիլյանի նկատմամբ։

Աղբյուրի հաղորդմամբ՝ վերջինիս նկատմամբ հետախուզում է հայտարարվել ՀՀ Քրեական օրենսգրքի 344-րդ հոդված 2-րդ մասի հատկանիշներով։

Թ. Ասիլյանը հանրությանը հայտնի է վարչապետ Նիկոլ Փաշինյանի ակտիվ համակիր, սակայն վերջերս նա «Քաղաքացիական պայմանագիր» կուսակցությունից հեռացվել էր։

Ակնհայտ է, որ աստիճանաբար Ռուսաստանի ազդեցությունը կրճատվում է տարածաշրջանում։ Այդ գործընթացը կշարունակվի, եթե Ռուսաստանը չձեռնարկի այնպիսի ռազմավարական քայլեր, որոնք կբերեն իր դերի և հեղինակության աճին, բայց դա երկարատև գործընթաց է, ուստի այս պահին խոսենք կարճաժամկետ և միջնաժամկետի մասին։

Ռուսական նահանջող ազդեցությունը լցվում է գլխավորապես թուրքական ռազմական, քաղաքական, տնտեսական և ֆինանսական ազդեցությամբ։ Սա վերաբերվում է ո'չ միայն Հարավային Կովկասին ընդհանրապես, այլեւ Հայաստանին մասնավորապես։

Գործող իշխանությունների քաղաքականության արդյունքում Թուրքիան դարձել է հարավկովկասյան տարածաշրջանի հիմնական ուժային կենտրոնը, որը ուղիղ ազդեցություն ունի հատկապես Հայաստանի ներքին գործընթացների վրա։

Այս ազդեցությունից ձերբազատվելու համար տարածաշրջանում կա մեկ գործող և շահագրգիռ ուժային կենտրոն, որը ցանկություն և կամք ունի ներգրավվել ռազմավարական հավասարակշռման գործընթացում։ Այո', դա Իրանն է, ուստի Հայաստանի թիվ մեկ խնդիրը պետք է լիներ Հայաստան - Իրան - Հնդկաստան եռանկյունու ձևավորումը, որը հնարավորություն կտար ռազմավարական հավասարկշռման և հետպատերազմյան ռազմավարական վերականգնման։ Սակայն ցավոք գործող իշխանությունները ըստ երևույթին ունեն կայացված ռազմավարական որոշում` ռուսական ազդեցության փոխարեն ընդունել թուրքական ազդեցությունը, ինչն իր հետ կբերի Հայաստանում օկուպացիոն դիկտատուրայի հաստատում, հայ ժողովրդի ազգային, բարոյական, մտավոր ներուժի ոչնչացում և սպիտակ ցեղասպանության միջոցով հայկական գործոնի ոչնչացում։

Իսկ հայ ժողովուրդը հիմա ունի միայն մեկ ճանապարհ` դիմանալ և դիմադրել։

Հայաստան-Իրան-Հնդկաստան եռանկյունու միջոցով ապահովել կարճաժամկետ անվտանգություն, ժամանակն օգտագործելով ռազմավարական հավասարկշռման ներքին ռեսուրսների կուտակմամբ։

Մենք կարող ենք, մենք ի զորու ենք, մենք պարտավոր ենք...

Արա Պողոսյան

Այդ գործիքը պետք է ԱԺ-ում, երբ ՔՊ-ն կստորագրի կապիտուլիացիա․ քաղաքագետ. Տեսանյութ

Հայաստանի իշխանությունները ցանկանում են համագործակցություն հաստատել Skill India սերտիֆիկացված աշխատողների պետական բազայի հետ, որպեսզի կարգավորեն Հնդկաստանից աշխատանքային միգրանտների հրավերը: Այս մասին 2023-ի պետական բյուջեի կատարման հաշվետվության լսումների ժամանակ ասաց ՀՀ աշխատանքի և սոցիալական հարցերի նախարար Նարեկ Մկրտչյանը։

Այդ բազայով Հնդկաստանն արտերկիր է ուղարկում տարեկան մոտ 60 մլն աշխատանքային միգրանտ։ Նախարարի խոսքով՝ այստեղ երկրի կառավարությունը քաղաքացիների մասնագիտական հմտությունների մասին տվյալներ է մտցնում։

Նա հավելել է, որ աշխատանքի և սոցիալական հարցերի նախարարության ներկայացուցիչները բազմիցս հանդիպել են և՛ Հնդկաստանի դեսպանի, և՛ Հնդկաստանի պատասխանատու գերատեսչությունների ներկայացուցիչների հետ:

Պատրաստվում է համաձայնագիր, որի համաձայն բիզնեսը կկարողանա այդ տվյալների բազայից ընտրել աշխատակիցներին և նրանց հրավեր ուղարկել, իսկ այդ քաղաքացիների մասին տվյալները, մինչ նրանց Հայաստան ժամանելը, կստուգեն նաև պետական անվտանգության մարմինները:

«Հարցը ոչ միայն դա է, այլև հենց աշխատողների աշխատանքային իրավունքների պաշտպանությունը։ Չէ որ մի բան է, եթե նրանք գալիս են աշխատանքային պայմանագրով, և մեկ այլ բան, որ առանց դրա են գալիս և ոչ մի տեղ չեն գրանցում որպես վարձու աշխատողներ»,- հավելել է նախարարը։

«Մեր մեծ հանրահավաքը կլինի հունիսի 9-ին:

Ժամը դեռ չեմ ասի, առաջիկայում ճշգրտումներ են պետք»,- քննարկման ժամանակ հայտարարեց Բագրատ Սրբազանը:

«Շատ ցավալի բան ասեմ ձեզ, ես այս թեմայով առաջիկայում էլի կխոսեմ: Ամենասարսափելի բաներից մեկը, որ մեր կյանքում տեղի է ունենում:

Ոստիկանական ամբողջ համակարգում աշխատող մեր տղաներն ուղղակիորեն կապված են վիվարոներին, հսկայական պարտքերի տակ են ընկած, հսկայական ծանր բեռ են ստանձնել: Դա ողջ ժողովրդի կյանքում է այդպես, որովհետև դաշտը կարգավորված չէ ոչ մի ձևով: Մենք հստակ պատկերացումներն ունենք, թե ինչպես պետք է այդ դաշտը կարգավորվի: Նույն վիճակն է նաև զինվորականության շրջանում: Մարդիկ, ինչպես ասում են, ուղղակի նստած են դրա վրա: Մարդկանց կյանքերն են փչանում:

Դրա համար էլ Ոստիկանության այդ տղաները կապված են ամբողջությամբ այդ համակարգից, գիտեն, որ եթե դուրս գան համակարգից, գուցե և ծանր պարտքերի պատճառով կյանքից էլ զրկվեն»,- Սուրբ Աննա եկեղեցու բակում նշեց Բագրատ Սրբազանը:

Սա ոչ միայն նորմալ տնտեսություն չի ստեղծում, այլև քայքայում է ողջ հասարակությունը, հավելեց նա: «Ես հավատում եմ, որ միտումնավոր են մարդկանց այսպիսի կախվածության մեջ դնում: Մեր առաջին անելիքներից մեկը պետք է լինի այս դաշտը կարգավորել, չափազանց մեծ վերահսկողության տակ պահել, եթե չասեմ` վերացնել»,- նշեց Սրբազանը:

Սուրբ Աննա եկեղեցու բակում Բագրատ Սրբազանն ասաց. «Վաղը ժամը 10:30 այստեղ ենք լինելու, չենք ասելու` ուր ենք գնալու, թող անակնկալ լինի:

Գնալու եմ հանդիպման` շատ կարևոր: Սա էլ թող մեր մեթոդաբանությունը դառնա:

Նախօրոք նշեցինք, որ գնում ենք Քննչական, տեսանք` ինչքան զորք էին բերել»:

Մենք պետք է գնանք Վարդենիս ու Սյունիք, որովհետև սահմանազատման այս անպետք գործընթացն այդ գծով է գնում։ 

Բացի այդ, մենք մեծ անակնկալ ունենք ուրբաթ օրը, մեր միջոցառումն այստեղ կանենք, հետո միասին տեղ պետք է գնանք։ 

Բագրատ Սրբազան