ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Սուրբ Աննա եկեղեցու բակում մեկնարկել է Բագրատ Սրբազանի հետ հանդիպումը:
Բագրատ Սրբազանը իր խոսքում նշեց.
«Սուրբ Էջմիածնի լույսով կհասնենք ճշմարտության հաղթանակին»:
Բագրատ Սրբազանը բոլորին շնորհավորեց Կաթողիկե Սուրբ Էջմիածնի տոնը:
«Մեր շարքեր թափանցում են մարդիկ, որոնց ձեռքերում հայտնվում են տարբեր տեսակի գործիքներ։ Վերստին հայտարարում եմ՝ իրենք այս շարժման հետ կապ չունեն։
Մենք խստորեն դատապարտում ենք դա, ինչպես նաև ոստիկանների կողմից 7-8 հոգով մարդ ծեծելը»,- ասել է Սրբազանը։
Այսօր՝ հունիսի 2-ին, խոշոր հրդեհ է տեղի ունեցել Սյունիքի մարզում։ Ժամը 16:30-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Մեղրիի վարչական տարածքի Տաշտուն գյուղի խաչմերուկում բեռնատար ավտոմեքենա է այրվում։
Ինչպես հայտնում է Shamshyan.com-ը, պարզվել է, որ, դեռևս անհայտ հանգամանքներում, հրդեհը բռնկվել է իրանական համարանիշներով «Volvo» մակնիշի բեռնատարի առջևի հտավածում։
Հրշեջ-փրկարարները մարել են կրակը, սակայն ավտոմեքենան, որը բեռնված է եղել 24 տոննա ամրանով, դարձել է ոչ շահագործելի։
Թե ինչն է եղել հրդեհի պատճառը, ոստիկանները պարզում են, ինչպես նաև պարզում են ավտոմեքենայի սեփականատիրոջ և վարորդի ինքնությունը։
#ՀԻՄԱ. ՍՐԲԱԶԱՆԸ ՍՈՒՐԲ ԱՆՆԱՅԻ ԲԱԿՈՒՄ ՆԵՐԿԱՅԱՑՆՈՒՄ Է ԱՊԱԳԱ ԱՆԵԼԻՔՆԵՐԸ
Երևանում պարեկի են դանակահարել. դեպքը տեղի է ունեցել մայիսի 26-ին, ինչի մասին հայտնում է shamshyan.com-ը:
Աղբյուրի տեղեկություններով՝ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 4-րդ գումարտակի պարեկները ծառայություն կատարելու ժամանակ ժամը 23։50-ի սահմանում Գաջեգործների փողոցում նկատել են Nissan մակնիշի ավտոմեքենա, որի վարորդը այն վարելիս է եղել անկանոն:
Պարեկները կանգնեցչել են ավտոմեքենան և պարզել, որ վարորդը չունի ավտոմեքենա վարելու իրավունք։ Այնուհետև նրանք վարորդին հայտնել են, որ ավտոմեքենան պետք է տեղափոխեն հատուկ պահպանվող տարածք և, վարորդի խնդրանքով, ավտոմեքենայում գտնվող իր ընկերուհուն տեղափոխել են Գաջեգործների փողոցի թիվ 40 շենքի մոտ, որտեղ վարորդը փորձել է համոզել իրենց, որ ավտոմեքենան չտեղափոխեն հատուկ պահպանվող տարածք: Այդ ժամանակ ժամանակ նրանց են մոտեցել մի խումբ անձինք, որոնք իրենց ոչ ադեկվատ են պահել, վիճաբանել են,ինչից հետո նշված անձանցից մեկը սուր կտրող-ծակող առարկայով հարվածել է պարեկ Պռազյանին:
Ավտոմեքենայի վարորդին և պարեկին հարվածող անձին ձերբակալել և տեղափոխել են ոստիկանության բաժին, որտեղ պարզվել է, որ ավտոմեքենայի վարորդը Կոտայքի մարզի բնակիչ 23-ամյա Վարդան Մ․-ն է, իսկ պարեկին մարմնական վնասվածք հասցրած անձը Երևանի բնակիչ 23-ամյա Էդուարդ Ե․-ն է, որի մոտից անձնական խուզարկությամբ հայտնաբերվել է դանակ:
Պարեկը «կրծքավանդակի աջ կեսի մակերեսի կտրած-ծակած վերք» ախտորոշմամբ դիմել է բուժօգնության Հերացու անվան թիվ 1 բժշկական կենտրոն։ Էդուարդ Ե․-ն ձերբակալվել է։ Դեպքի փաստով ոստիկանության Էրեբունու բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժին, որտեղ դեպքի փաստով նախաձեռնվել է քրեական վարույթ։
Հանրապետության Հրապարակում օրերս «հրեշտակ» էր հայտնվել։ Վերջինս մոտեցել էր կառավարության շենքը պաշարած ոստիկաններին, այնուհետև հեռացել։
Bavnews.am-ը փորձեց պարզել, ով էր երեկ Հանրապետության հրապարակում հայտնված հրեշտակը, ով այդքան հետաքրքրություն էր առաջացրել հանրության շրջանում։
Երևանի փողոցներով քայլող «հրեշտակ»-ի անունը Ուլյանա է։ Նա ամիսներ առաջ է ժամանել Երևան՝ Կրասնոդարից։ Նա իր քայլը մեկնաբանել էր այսպես, որ ոչ մի քաղաքական միտում չունի և պարզապես ֆոտոսեսիայի համար էր հագել հրեշտակի հանդերձանքը:
Ուլյանան մոդել է, նա աշխատում է հայտնի մոդելային կազմակերպությունում։ Նրա ինստագրամյան էջում շատ են համարձակ ֆոտոսեսիաները։
Նա իր էջում շնորհակալություն է հայտնել հայերին, այսպիսի ջերմ ընդունելության համար։
«Ես սիրեցի Երևանը, և թվում է այն փոխադարձ է»,-նշել է մոդելը։
Ժամը 19:00-ին բոլորին սպասում ենք եկեղեցու բակում»։
Ինչո՞ւ են թուրքերը շտապեցնում և խաղաղության պայմանագրի շուտափույթ կնքման «հույս» հայտնում․ քաղաքագետ
Մեդիափորձագետ Տիգրան Քոչարյանը ֆեյսբուքյան իր էջում գրել է․
«Բագրատ Սրբազանի մասին երկար չեմ գրի, մի փաստ ուղղակի ինձ համար որոշիչ եղավ իր պահով։
Երբ որ Հայաստանում 2013 թ-ին Եվրոպայի ճնշման տակ փորձում էին "Ընտանեկան բռնության մասին" օրենք փաթաթել մեր վզին, իսկ իշխանության մեջ կային, սակավաթիվ, բայց ազդեցիկ լոբբիստներ,Կանադայից նոր եկած Բագրատ Սրբազանը ի տարբերություն ուրիշների, խիզախություն ունեցավ`եկավ
հանրային քննարկման ու քարը քարի վրա չթողեց այդ ապահայկական օրենքից։
Այդ օրվանից մեծագույն հարգանք եմ տածում այս մարդու հանդեպ։
Գիտեմ, հիմա որոշ հականիկոլ խաղացող կերպարներ իրեն մինչև հիմա դա չեն ներել, և իրենց մոծակային խայթոցներին ժամանակ առ ժամանակ հանդիպում եմ ցանցում։
Բայց դա իրենց պրոբլեմն է։
Աստված առա՜ջ, Սրբազան»։
Սերժ Սարգսյանը ցավակցական հեռագիր է հղել Արթուր Չիլինգարովի մահվան կապակցությամբ:
Հեռագրում ասված է.
«Խոր ցավով տեղեկացա հայազգի մեծանուն գիտնական, բևեռախույզ, Սուրբ Մեսրոպ Մաշտոցի շքանշանակիր, ՌԴ պետդումայի պատգամավոր Արթուր Չիլինգարովի մահվան մասին:
Արթուր Չիլինգարովին ճանաչողները առաջին հերթին նրան բնորոշում են որպես խիզախ, կամային ու նպատակասլաց մարդու, անվանի գիտնականի, որն անգնահատելի ներդրում է ունեցել ինչպես
խորհրդային, այնպես էլ ժամանակակից ռուսաստանյան գիտական մտքի զարգացման գործում:
Նշանակալի է նրա ավանդը նաև երկու ժողովուրդների բազմադարյա բարեկամության վրա հիմնված հայ-ռուսական ռազմավարական-դաշնակցային հարաբերությունների հետևողական ամրապնդման գործում:
Կորստի այս ծանր պահին խորին ցավակցություն և զորակցություն եմ հայտնում Արթուր Չիլինգարովի ընտանիքին, հարազատներին, ընկերներին և գործընկերներին:
Անվանի գիտնականի և աշխատասեր, իմաստուն մարդու հիշատակը մշտապես վառ կմնա սերունդների հիշողության մեջ»։
Ֆոտո
