Մոլդովայում մեկնարկել է Եվրամիությանն անդամակցելու բանակցությունների երկրորդ փուլը։ Ինչպես գրում է «ՌԻԱ Նովոստի»-ն, այս մասին հայտնել է եվրաինտեգրման հարցերով փոխվարչապետ Քրիստինա Գերասիմովան։

Եվրահանձնաժողովի պատվիրակությունը Քիշնևում է, որտեղ հանդիպումներ է ունեցել մոլդովացի պաշտոնյաների հետ, ովքեր պատասխանատու են եվրաինտեգրման բանակցային գործընթացի համար։

Մոլդովան սկսեց ԵՄ-ին միանալու շուրջ բանակցությունների երկրորդ փուլը՝ երկկողմանի սքրինինգով, ինչը նախատեսում է օրենսդրության վերլուծական վերանայում և թեկնածու երկրի կողմից ԵՄ հանձնարարականների կատարման գնահատում: Եվրոպական օրենսդրության մեջ «Պետական գնումներին» առնչվող հոդվածն անհրաժեշտ է ցանկացած ժողովրդավարական պետության պատշաճ գործունեության համար, քանի որ այն վերաբերում է պետական միջոցների արդյունավետ օգտագործմանը», - ասել է Գերասիմովան։

Մոլդովայի կառավարության մամուլի ծառայությունն իր հերթին նշել է, որ երկկողմ սքրինինգի առաջին հանդիպմանը մասնակցել է Եվրոպական հարևանության հարցերով հանձնակատար Օլիվեր Վարհելին, ով խոսել է գործընթացի ընթացակարգի մասին։

2022 թվականի հունիսին ԵՄ-ն Ուկրաինային և Մոլդովային շնորհեց ԵՄ թեկնածու երկրների կարգավիճակ՝ մի քանի խիստ պայմաններ սահմանելով անդամակցության բանակցությունների պաշտոնական մեկնարկի համար։ ԵՄ-ն բազմիցս խոստովանել է, որ նման որոշումը հիմնականում խորհրդանշական էր՝ Մոսկվային դեմ Կիևի և Քիշնևի դիմակայությանն աջակցելու համար։

ԱՄՆ պետքարտուղար Էնթոնի Բլինքենը՝ Վաշինգտոնում՝ ՀՀ-ԱՄՆ-Ադրբեջան եռակողմ հանդիպման արդյունքներով հայտարարություն է արել․

«Վերջին տարիների ընթացքում Հայաստանն ու Ադրբեջանը շատ կարևոր աշխատանք են կատարել բանակցային գործընթացի և խաղաղության համաձայնագրի կնքման ուղղությամբ, որը անհավանական հնարավորություններ կբացի ինչպես երկու երկրների, այնպես էլ տարածաշրջանի և Միացյալ Նահանգների հետ հարաբերությունների համար: 

Այս ամբողջ գործընթացի ընթացքում Միացյալ Նահանգները ձգտում էր օգնություն և աջակցություն ցուցաբերել՝ Եվրամիության և Եվրոպայում բազմաթիվ գործընկերների հետ միասին: 

Այսօր հնարավորություն կա ամփոփելու ձեռք բերված առաջընթացը և անելիքները։ Բայց, հիմնվելով բոլոր հանդիպումների վրա, ներառյալ վերջին շաբաթները, ես հավատում եմ, որ երկու երկրներն էլ շատ մոտ են վերջնական համաձայնագրի կնքմանը, որին Միացյալ Նահանգները համառորեն կաջակցի: 

Ես շատ երախտապարտ եմ, որ այսօր հնարավորություն ունեցա կրկին ամփոփել, թե որ փուլում ենք մենք և հասկանալ, թե ուրիշ ինչ կարող է անել Միացյալ Նահանգները, որպեսզի օգնի ձեզ գալ համաձայնության»։ 

Քաղաքագետ Արա Պողոսյանը ֆեյսբուքյան իր էջում գրել է. «Պետք է ցավով նշեմ, որ խնդիրներ դեռ շա՜տ են լինելու, ընդ որում ոչ միայն ինտերնետ-կոմունիկացիոն, այլեւ լոգիստիկ, էներգետիկ, պարենային, քաղաքական և այլն։

Պատրաստվել ու անակնկալներից չվախենալ, որովհետև սա եղել է մեր ընտրությունը` հանդուրժել ու հաշտվել ստեղծված անտանելի և նվաստացուցիչ իրավիճակի հետ։

Համենայնդեպս, ժողովրդի մի հատված հաշտ է սրա հետ, ուրեմն պետք է անցնենք այս աղետի միջով»:

Աղբյուրը` Արա Պողոսյան

Հուլիսի 10-ին Վաշինգտոնում ՆԱՏՕ-ի կազմավորման 75-ամյակին նվիրված գագաթաժողովի շրջանակներում ԱՄՆ պետքարտուղար Էնթոնի Բլինքենի նախաձեռնությամբ և մասնակցությամբ տեղի է ունեցել ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը: Հայտնում են ՀՀ ԱԳՆ-ից։ 

Կողմերը նշել են խաղաղության և միջպետական հարաբերությունների հաստատման վերաբերյալ պատմական պայմանագրի կնքման ուղղությամբ Հայաստանի և Ադրբեջանի կողմից գրանցված առաջընթացը և համաձայնել են շարունակել աշխատանքները;

Կողմերը երախտագիտություն են հայտնել ԱՄՆ պետքարտուղարին հանդիպումը հյուրընկալելու համար։

24-ը վերջնաժամկետ․ ադրբեջանցիները մտնելու են Տավուշ․ Գառնիկ Դանիելյան.

Տեսանյութ

Ադրբեջանի ԱԳՆ-ն նույնպես հայտարարություն է տարածել ՀՀ-ԱՄՆ-Ադրբեջան եռակողմ հանդիպման արդյունքներով՝ նշելով, թե պատմական խաղաղության կնքման շուրջ առաջընթաց կա․

«Կողմերը նշել են Ադրբեջանի և Հայաստանի միջև խաղաղության հաստատման և միջպետական հարաբերությունների մասին պատմական համաձայնագրի կնքման ուղղությամբ ձեռք բերված առաջընթացը և պայմանավորվել են շարունակել աշխատանքն այդ ուղղությամբ»,-ասվում է այդ երկրի ԱԳՆ հաղորդագրության մեջ։

Կիրանցեցի Գոհար Վարդանյանը ներկայացրել է Տավուշում «սահմանազատման» հետևանքով ստեղծված իրավիճակը․

«Ինչ է ասում Ճանապարհային դեպարտամենտ հիմնադրամը:

Շինարարական աշխատանքներով պայմանավորված՝ հուլիսի 10-ից երթևեկության համար ժամանակավորապես կփակվի Հ-58 հանրապետական նշանակության ճանապարհի Կիրանց գյուղով անցնող հատվածը։

Տվյալ հատվածը վարորդները կարող են շրջանցել Հ-58-Աճարկուտ-Հ-58 ավտոճանապարհով։

Իրականությունը:

Սահմանազատում-սահմանագծումից հետո Ադրբեջանին է անցելու Կիրանցով անցնող ճանապարհի մոտ 800 մետրանոց հատվածը:(լուսանկար 2):

Իսկ Կիրանցով անցնող նոր կառուցվող ճանապարհը դեռ պատրաստ չէ»։ 

Հայաստանն ու Ադրբեջանը մոտ են խաղաղության համաձայնագրի ձեռքբերմանը:
 Նման հայտարարություն է արել ԱՄՆ պետքարտուղար Էնթոնի Բլինքենը՝ Վաշինգտոնում՝ ՀՀ-ԱՄՆ-Ադրբեջան եռակողմ հանդիպման ժամանակ։ 

«Այսօրվա հանդիպումը ևս մեկ հնարավորություն է՝ քննարկելու խաղաղության շուրջ բանակցություններում ձեռք բերված առաջընթացը։ Դատելով շփումներից, այդ թվում՝ վերջին շաբաթների քննարկումներից, ես կարծում եմ, որ կողմերը մոտ են խաղաղության շուրջ համաձայնության հասնելուն, որին Միացյալ Նահանգները վճռականորեն աջակցում է»,- նշել է ԱՄՆ պետքարտուղարը։

Վաշինգտոնում ավարտվել է ՀՀ ԱԳ նախարար Արարատ Միրզոյանի, Ադրբեջանի ԱԳ նախարար Ջեյհուն Բայրամովի և ԱՄՆ պետքարտուղար Էնթոնի Բլինքենի եռակողմ հանդիպումը:

Այս մասին հայտնում են ՀՀ ԱԳՆ-ից:

Այլ մանրամասներ չեն հաղորդվում։

Լրագրող Արթուր Հայրապետյանը ֆեյսբուքյան իր էջում հրապարակել է լուսանկար և կից գրել. «Ինտերնետ կապի խնդիրը Կիրանց գյուղից է․ ամեն ինչ դեռ նոր է սկսվում։ Ցավոք։

Նույն Արցախի պատմությունը։
Դիմացը ցրտեր կան, է.....
Դուք հանգիստ, անվրդով ապրեք:

Դեբիլիկներ ջան, մի բողոքեք, որ ձեր ինտերնետը ինտերնետ ձյաձյան անջատել է։

Չէ, ձյաձյան կապ չունի, դուք դինջ նստեք։ Ու մի նեղվեք, որ ինտերնետ չունեք։ Վաղը գազ չեք ունենալու։

Կիրանցի տեղը գիտե՞ք։ Եթե հա, ուրեմն քայլերով հասեք Կիրանց ու հարցրեք, թե ինչո՞ւ ինտերնետ չունեք։
Չէ, սրանք մտահոգված են, որ ինտերնետ չունեն, դուք հասկանո՞ւմ եք, չեն խորանում, թե սա ինչ նոր աղետի սկիզբ է։ Բայց ջհանդամին չէ՞, որ թշնամին այլեւս ՀՀ -ում բնակվել է, ու ինչ ուզում, անում է։

Վաղը, որ ասում եմ շրջափակման մեջ եք հայտնվելու, էլի լիքը դեբիլիկներ ասում են, թե բերանդ խերով բաց։ Օկ»։

 Աղբյուրը` Արթուր Հայրապետյան