«Հըզբոլլահ»-ի առաջնորդ Հասան Նասրալլահը նամակ է ստացել, որում ասվում է, որ «Արդաբիլից, Թավրիզից, Ուրմիայից, Զանջանից և նույնիսկ Բաքվից երիտասարդները պատրաստ են մեեկնել Լիբանան, խնդրում ենք հավանություն տալ այս ցանկությանը:

Դրա մասին ասվում է Իրանի Իսլամական հեղափոխության պահապանների կորպուսի (ԻՀՊԿ) սոցցանցերում հրապարակված հաղորդագրության մեջ։

«Կոչ ենք անում թշնամու ցամաքային ներխուժման դեպքում համաձայնել այս մեծ խմբին ուղարկել Լիբանան: Վստահ եղեք՝ ձեր հավանությանն արժանանալու դեպքում Իրանից Իմամ Հոսեյնի հետևորդների և Սեյեդ ալ-Շուհադայի հավատարիմ երկրպագուների հսկայական բանակը կգա Լիբանան»,- ասված է Իսլամական հեղափոխության պահապանների կորպուսի հրապարակած նամակում: