Հանրության համար շատ անսովոր բան է, երբ բարձր կոչումով հոգևորականը բերետների հետ «կռիվ է տալիս»։ Անսովոր է, որովհետև շատերը հոգևորական ասելով պատկերացնում են մենախցում նստած ու աղոթող մարդ։ Նման պատկերացում ունեն նաև ՔՊ-ի դեղնակտուցները, երբ ասում են՝ հոգևորական է , թող գնա ու իր գործը կատարի՝ աղոթի։ Բայց նաև այսպիսի բան պատկերացնենք։ Հոգևորականն ունի իր հոտը, ժողովուրդը և պատասխանատու է յուրաքանյուր «գառի» կյանքի համար։ Այսօր, երբ նայում էի, թե ինչպես է Բագրատ Սրբազանը ԱԳՆ-ի մոտ արմունկներով հեռացնում, բաժանում բերետներին, որպեսզի նրանք չվնասեն իր հոտի անդամներին, անսահման ցավ զգացի։

Գիտե՞ք ինչու։ Որովհետև Սրբազանի համար բերետն էլ է իր հոտի անդամ։ Նրա կռիվը հոր կռվի նման էր, երբ իր երեխաների մեջտեղում կանգնում է, որ իրար չվնասեն․․․ Հոր նման բաժանում էր երեխեքին։ Մեկ բերետներին էր հեռացնում, մեկ մյուս երեխաներին։ Ուշադիր նայում էի։

Կանգնածս տեղը բավականին բարձր էր ու չէի կարող չնկատել, որ բերետներն էլ, չնայած Նիկոլի հրամաններին, Սրբազանի մեջ հայր էին տեսնում։ Հայրը կարող էր իրենց հեռացնել, բաժանել, մի կողմ հրել, բայց նրանք իրավունք չունեին նույն բանը հորն անելու։ Գուցե շատ լավատես եմ, բայց այդ զգացումը ունեցա, երբ հետևում է ԱԳՆ-ի շենքի առաջ տեղի ունեցող դեպքերին։ Ու այստեղ մի դեպք հիշեցի, որ մեր գյուղի մեծերն էին պատմում։ Գյուղում մի ընտանիք կար, որ ասում էին ամենադժբախտ ընտանիքն է։ Երեխաները հիվանդ էին ու անընդհատ դժբախտությունների մեջ։

Պատմում էին, որ ընտանիքի հայրը տարիներ առաջ տերհոր վրա ձեռք է բարձրացրել։ Մարդիկ պատմում էին ու վախեցած մեղա գալիս։ Հիմա ժամանակները փոխվել են, աղանդավորները քանդել են աշխարհը, բայց մեր հասարակության մեջ Աստծո մարդու վրա ձեռք բարձրացնելը մնացել է որպես սրբապղծություն։ Դա համարվում է ծանր մեղք։ Մի բան էլ։ Հպարտության մի այլ կարգի զգացում է, երբ տեսնում ես, որ հոգևոր հայրը ոչ միայն կռվում էր իր ամեն մի գառան, այլ կռվում է Հայաստան աշխարհի արժանապատվությունը հետ բերելու համար։ Կռվում է նվաստացած Հայաստանի, նրա հոգևոր արժեքների կորստյան համար։ Կարծում եմ բերետներն էլ, ոստիկաններն էլ հպարտ են, որ նման հոգևոր առաջնորդ ունեն, ով Հայաստանի կորուսյալ հեղինակությունը հետ բերել է ուզում։

Հասմիկ Բաբաջանյան

Հրապարակ

Ինչպես հայտնել ենք, վարչապետ Փաշինյանն Արարատի մարզի Վեդի քաղաքում ներկա է գտնվել ամֆիթատրոնի բացման միջոցառմանը:

Այս կապակցությամբ հրապարակված պաշտոնական հաղորդագրության մեջ ասվում է. «Վարչապետը` դիմելով երեխաներին, կարևորել է վերջիններիս համար բարձրորակ կրթության ապահովումը, ինչը կնպաստի, որպեսզի նրանք առաջին հերթին վայելեն կյանքը:

«Կյանքն այնքան բարդ բան է՝ տառապանքն ինքն իրեն կգա, ոչ ոք թող հանկարծ չանհանգստանա, թե որևէ մեկը կմնա առանց տառապանքի: Բայց մենք պետք է երեխաներին կարողանանք պատրաստել լիարժեք կյանքի՝ լիաթոք ապրելու այդ կյանքը, վայելելու այդ կյանքը և փոխանցելու այդ կյանքի տրամաբանությունն ու լիցքն ուրիշներին»,- ասել է Նիկոլ Փաշինյանը»:

 «Տավուշը հանուն հայրենիքի» ֆեյսբուքյան էջում հայտնում են, որ նրա նախնական ձերբակալման 6 ժամը լրացել է:

Դրանից հետո նրան կարող էին պահել միայն ձերբակալման որոշման առկայության դեպքում: 6 ժամը լրանալուց հետո ձերբակալման որոշում չկա, սակայն նրան ազատ չեն արձակում:

Ազգային ճակատը հաղորդում է.

Ի աջակցություն մեր պայքարի ձերբակալված ընկերների՝ այս պահին քաղաքացիները հավաքվում են ՀՀ Քննչական կոմիտեի դիմաց (հասցե՝ ք. Երևան, Մամիկոնյանց 46/5)։

Փաշինյանը որոշում է ստորագրել, համաձայն որի՝ Ռաֆայել Գևորգյանը նշանակվել է ՀՀ պետական եկամուտների կոմիտեի նախագահի տեղակալ:

2024թ. մայիսի 31-ին ՀՀ ՆԳՆ ոստիկանությունից հաղորդում է ստացվել այն մասին, որ նույն օրը՝ ժամը 15:00-16:00-ն ընկած ժամանակահատվածում, «Տավուշը հանուն հայրենիքի» շարժման կազմակերպիչների և մասնակիցների կողմից իրականացվող անհնազանդության գործողությունների ժամանակ պահպանության ենթակա՝ Երևան քաղաքի Վազգեն Սարգսյան փողոց 3 Կառավարական տուն 2 հասցեում գտնվող ՀՀ արտաքին գործերի նախարարության շենք մուտք գործելու նպատակով, ոստիկանական պատնեշը հաղթահարելու համար, բռնություն են գործադրել ոստիկանների նկատմամբ։ Հայտնում են ՀՀ Քննչական կոմիտեից:

Ակցիայի մասնակիցների շրջանակից նշված վայրում իրենց ծառայողական պարտականությունները կատարող ոստիկանների ուղղությամբ նետվել են քարեր, ջրով լցված տարաներ, ծխարձակող ճայթուկներ և այլ առարկաներ։

Հաղորդման հիման վրա ՀՀ քննչական կոմիտեի հատկապես կարևոր գործերի քննության գլխավոր վարչությունում, ՀՀ քրեական օրենսգրքի 327-րդ հոդվածի 1-ին մասով, նախաձեռնվել է քրեական վարույթ: Պարզվել է, որ ոստիկանության 7 աշխատակից դիմել է բուժօգնության, բուժհաստատություններ են դիմել նաև մասնակիցներից։

Որոշումներ են կայացվել, հանցավոր արարքներ կատարելու մեջ անմիջականորեն ծագած հիմնավոր կասկածի հիմքով, նշված 28 անձանց ձերբակալելու վերաբերյալ։

Ձեռնարկվում են անհետաձգելի միջոցառումներ՝ առերևույթ անկարգությունների կազմակերպիչ և մասնակից անձանց ամբողջական շրջանակը, յուրաքանչյուրի ինքնությունը պարզելու, նրանց արարքներն անհատականացնելու, նշված անձանց վարույթն իրականացնող մարմնին ներկայացնելու ուղղությամբ: Այդ նպատակով ուսումնասիրվում են նաև առերևույթ զանգվածային անկարգությունների ընթացքի նկարագրությանը վերաբերող, համացանցում առկա տեսանյութերը։

Կատարվում է նախաքննություն: Ոստիկանությանը տրվել են օպերատիվ-հետախուզական միջոցառումներ իրականացնելու հանձնարարություններ:

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Վաղը ժամը 11:30-ին Երևան-Աշտարակ խճուղու՝ Կարմիր խաչի դիմացի հատվածից ավտոերթով կշարժվենք Գյումրի, օրը կանցկանցնենք Գյումրիում: Այս մասին այսօր` հունիսի 31-ին, հայտարարեց Բագրատ Սրբազանը:
«Ժամը 14:00-ին Գյումրու Թատերական հրապարակում միջոցառում կլինի: Երեխաներն են հանդես ունենալու: Այնուհետև նույն վայրում, ժամը 18:00-ին` մեծ հանրահավաք»,- հայտարարեց նա:

«Ասում եք` կտրող ծակող գործիքներով 2 ոստիկան է վիրավորվել, եթե եղել է, դուք եք արել:

Ես չեմ էլ հավատում, որ եղել է նման բան, եթե կա, նկարները հրապարակեք:

Անողներն էլ դուք եք հենց եղել: Երեկ մեկը լանցետով մերոնցից մեկի երեսը վնասել են:

Դուք եք դա արել, դուք եք միայն դրան ընդունակ:

Ձեռքը, որ խոստացել ես կտրել ու չես կտրել, բարոյական իմաստով մենք ենք կտրելու:

Ու ոչ թե մեկ, այլ երկու ձեռքերդ:

Տղա ջան, ես քեզ ասել եմ` դու էլ գիտես, թե քո խոփը որ քարին ա դեմ առել»,-ասել է Սրբազանը:

Աստղաբանները վստահ են, որ այս տարվա հունիսի սկիզբը նշանակալից է լինելու։ Կենդանակերպի 3 համաստեղությունների ներկայացուցիչներ կկարողանան ֆինանսական հաջողությունների հասնել, փոխանցում է Մեդիահաբը։ Նրանք կկարողանան լուծել նյութական խնդիրները։

Խեցգետին, ձեզ մի շարք դրական փոփոխություններ են սպասվում։ Փորձեք ավելի շատ ուշադրություն դարձնել ձեր կարիերային։ Եկամտի նոր աղբյուր ստանալու հնարավորություն կունենաք։ Ավելի հաճախ ապավինեք ինտուիցիային, վստահեք տիեզերքի հուշումներին: Լավ նորություններ կստանաք հին գործընկերներից ու ընկերներից։

Կույսեր, ուշադիր եղեք ձեր առողջության մասին։ Պետք է հետևել առօրյային և առողջ ապրելակերպ վարել։ Ձեր մասին հոգ տանելը կօգնի ձեզ ավելի արդյունավետ դառնալ ցանկացած գործունեության մեջ: Ձեր առջեւ դրեք հավակնոտ նպատակներ։ Որոշեք, թե ինչ եք ուզում անել ապագայում: Հարստանալու հնարավորություն կունենաք։

Կշեռքներ, դուք կկարողանաք ազատվել դժվարություններից ու խնդիրներից։ Այն, ինչ խանգարեց ձեզ խաղաղ ապրելու, կմնա անցյալում։ Միգուցե դուք կփոխեք աշխատանքը: Բարձրագույն ուժերը կաջակցեն ձեզ ամեն ինչում։ Ձեզ սպասվում են հաճելի գործուղումներ։