Մայոր Բախըշլի Բախըշ Էլշան օղլուն և զինծառայող Նագիև Ալի Էլշան օղլուն հունիսի 9-ին զոհվել են կայծակի հարվածից Ադրբեջանի Պետական ​​սահմանային ծառայության (ՊՍԾ) սահմանապահ զորքերի Լենքորանի սահմանապահ ջոկատի ծառայողական տեղամասում պետական ​​սահմանը պաշտպանելու իրենց պարտականությունները կատարելիս։

Այս մասին հայտնել է APA լրատվական գործակալությունը՝ Ադրբեջանի սահմանային ծառայությանը հղումով:

Փաստի առթիվ հետաքննություն է ընթանում։

Իրանագետ Վարդան Ոսկանյանի ֆեյսբուքյան գրառումը․

«Հայաստանում, ցավոք, չկա մեր երկրի ապագայի տեսլականի շուրջ և ոչ մի լուրջ խոսույթ։

Քեզ ոչնչացնել ցանկացող թշնամու դեմ հանդիման չի կարող լինել «լավ ապրելու» հնարավորություն, եթե չի լուծվում անվտանգության խնդիրը։ Ուստի, առաջնային հարցը ոչ թե «լավ ապրելն» է, այլ անվտանգությունը, որը հնարավորություն կստեղծի իրականում հենց լավ ապրելու։

Ըստ այդմ, «պատշգամբում կարճ շալվարով սուրճ խմելը» հնարավոր կարող է դառնալ թշնամուն հաղթելուց հետո միայն։

Հակառակ դեպքում, նույն այդ պատշգամբում նույն այդ թշնամին ավելի հեշտ կբռնաբարի պայմանական սուրճ խմողին, քանի որ նրա շալվարը կարճ է»

Հունիսի 8-ին, ողբերգական դեպք է տեղի ունեցել Գեղարքունիքի մարզում: Ժամը 22:10-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Երևան-Սևան-Իջևան ավտոճանապարհի «Հարսնաքար» ռեստորանային համալիրի հարևանությամբ դեռևս անհայտ մակնիշի ավտոմեքենան բախվել է կամրջի երկաթբետոնե հատվածին, կոտրել երկաթե ճաղավանդակները և ընկել Հրազդան գետը:

Ինչպես դեպքի վայրից հայտնում է ֆոտոլրագրող Գագիկ Շամշյանը, ջրասուզակը գետից դուրս է բերել աղջիկ երեխայի և մոտ 35-40 տարեկան կնոջ դի:

Այս պահին ջրասուզակները որոնողական աշխատանքները շարունակում են:

Ոստիկանությունն ու քննչական բաժինը պարզում են ավտոմեքենայի մակնիշը, վարորդի և մահացածների ինքնությունը, որոնում են վարորդին։

Telegram հարթակում զանգվածային խափանում է եղել:

Ռուսաստանից, եվրոպական երկրներից և ԱՄՆ-ից օգտատերերը դժգոհում են Telegram-ի խափանումից։

Բաքվում և Անկարայում շտապում են, Փաշինյանի հարցը հաշված շաբաթների խնդիր է

Մանրամասները տեսանյութում

Լրագրող Ոսկան Սարգսյանի գրառումը․ «Սարսափելի է, ահավոր է։

Հայաստան-Վրաստան ավտոճանապարհի եզրին գտնվող, ռազմավարական նշանակություն ունեցող, ավելի բարձրադիր դիրքում գտնվող Բաղանիս-Այրումի հենակետերը միակողմանի կերպով ոչնչի դիմաց Ադրբեջանին հանձնելուց հետո երկրի գերագույն գլխավոր հրամանատար համարվողը նայում է հեռադիտակով հանձնված տարածքներին և ասում՝ բան չհասկացա:

Երևի տեղյակ էլ չէ, որ 1990 թ. մարտի 23-24-ը, նույն թվականի օգոստոսի 18-20-ը Բաղանիս-Այրումում ինչ թեժ կռիվներ են եղել, այդտեղից հայեր են առևանգվել, Բաղանիս-Այրումում քանի-քանի ավտոմեքենա է պայթել տեղադրված ականների վրա, քանի՜ մարդ է զոհվել»։

Ոսկան Սարգսյան

Գտիր պատմական Հայաստանն ու իրական Հայաստանը ու հետո որոշիր, որն է քոնը:

Պատմականն այ էս դեմքի արտահայտությամբ ու կեցվածքով շփվում է 50-ից ավել օտարերկյա լրատվամիջոցների հետ՝ ներկայացնելով Հայաստանն աշխարհին այսօր, իսկ իրականը՝ ազնիվ խոսք չգիտեմ ի՞նչ է անում ու ում համար:

Սպասեք Սրբազանի հաջորդ «բոմբին»:

Չի ուշանա

Վլադիմիր Մարտիրոսյան

ՀՀԿ փոխնախագահ Արմեն Աշոտյանը կալանավայրից պատասխանել է քաղաքացիների հարցերին:

Քաղաքացի Գայանե Մուրադյանը նրան հարցրել է.

«ԱԺ-ում ՔՊ-ն Արարատ Միրզոյանի մեծարման երեկո էր կազմակերպել, չնայած Հայաստանը պարտություններ է արձանագրում դիվանագիտական գրեթե բոլոր ճակատներում։ Ինչպե՞ս կմեկնաբանեք դա»:
Արմեն Աշոտյանը պատասխանել է. «Ձեր հարցի հետ կապված՝ երեք դիտարկումներով սկսեմ։

Նախ, պետք է խոստովանել, որ Միրզոյանի հավաքական ինտելեկտը միջին ՔՊ-ականից տեսանելի բարձր է. դժվար չէ ճամպրուկ լինել, եթե կողքից միայն ուսապարկեր են։

Երկրորդը՝ ՔՊ-ն գովում է Միրզոյանին, որովհետև նա անշեղորեն իրականացնում է ՔՊ-ի ծրագիրը՝ լիկվիդացիոն գներով վաճառել հայ ժողովրդի շահերն արտաքին շուկայում՝ հանուն սեփական իշխանության։

Եվ երրորդը, որքանով հասցրել եմ ծանոթանալ, ընդդիմությանը հաջողվել էր իրականություն վերադարձնել Արարատին՝ բարձրաձայնելով սուր և ճշգրիտ հարցեր։

Հայաստանի արտաքին ձախողումների մասին շատ է խոսվում, որքան էլ իշխանական քարոզչամեքենան հակառակն է հրամցնում մարդկանց՝ նրանց դնելով մտավոր թերզարգացածների տեղ։ Միրզոյանի միակ ձեռքբերումը՝ որպես ԱԳ նախարար, իր բարելավված անգլերենն է, ինչը այդպես էլ չի հաջողվել Նիկոլին։ Հայ ժողովրդի վրա Արարատն ավելի էժան կնստեր, եթե պարզապես նրա հետ պարապող անգլերենի դասախոս վարձեին պետական բյուջեի հաշվին։

Նրա պաշտոնավարումը բնութագրող, Միրզոյանի ասած՝ «կայսերական» լեզվով մի ասացվածք կա՝ каждая сосиска строит из себя колбасу:

Ի դեպ, հակառուսականության առաջամարտիկ Արարատին հիշեցրեք, որ ընդամենը 2 տարի առաջ ՌԴ ԱԳ նախարարին նա քմծիծաղով անվանում էր «իմ լավ բարեկամ»»:

Ադրբեջանը, Տավուշում վերցնելով այդ չորս գյուղերը, դժվարացնում է գյուղացիների անցուդարձը։ Ադրբեջանցիների շարժը հոգեբանական ճնշում է լինելու այդ գյուղերի բնակիչների համար, եթե հատուկ ջանքեր չթափենք, կհայաթափվեն Կիրանցը, Ոսկեպարը, Բաղանիսը։ Այդ տարածքների մեջքի հետևում` մի քանի կմ հեռու, սարերով ճանապարհ պետք է կառուցած լինեինք, որը ճյուղավորված կգնար գյուղերի կողմ։ Անբարոյական ու վտանգավոր է Երևանում փողոցները վերանորոգել, երբ անվտանգության հետ կապված ճանապարհները կառուցված չեն։ 24TV-ի հաղորդման ժամանակ նման կարծիք հայտնեց «ՈՄԱ»-ի հիմնադիր-նախագահ Վովա Վարդանովը։

«Սահմանային սյուները անվտանգություն չեն ապահովելու, անվտանգության միակ երաշխիքը զինված հայկական ուժերն են։ Անուղեղ պետք է լինենք, չհասկանալու համար, որ թուրքը  չի փոխվել, ՆԱՏՕ-ի անդամ լինելը չի զսպելու նրանց, պետք է շատ արագ զինվենք ու մարտունակությունը բարձրացնենք, պատերազմը ավարտված չէ»,- ընդգծեց Վարդանովը։

Անդրադառնալով Բաքվի պահանջին, թե հայերը պետք է ներողություն խնդրեն իբր թե «Խոջալուի ցեղասպանության» համար, Վարդանովը նշեց, որ Խոջալուի օպերացիային մասնակից է, ականատես է, որ հայերը թուրք չեն սպանել։

«Աստված թող պատժի ինձ, եթե մեկ կրակոց Խոջալուում արել եմ, թուրքերի կողմից են խաղաղ բնակիչները սպանվել, կարծում եմ՝ ոչ միտումնավոր։ Մենք ջարդարար չենք, փախնողի վրա չենք կրակում, հանձնվածներին չենք մորթում, որպեսզի իրենք իրենց  գործողությունները արդարացնեն, մեզ  են հանցանքի մեջ մեղադրում։ Թող քրգործ հարուցեն ու վկայություն կտամ, որ սուտ է, թե հայերը խաղաղ բնակիչ են սպանել»,- հավելեց բանախոսը։

Մանրամասները՝ 24News․am-ի տեսանյութում։

Քարոզչական դաշտում այս իշխանություններն արդեն պարտվել են։

Ասում ենք՝ հեծանիվ քշի, քշում է, ասում ենք՝ գալու ենք Վանաձոր, մեզնից առաջ գալիս է Լոռի։

Ձեր վճարած գումարներով ստեղծել են խմբեր, որոնք ձեզ հայհոյում են, բայց դուք չեք կորցնում ձեր վճռականությունը։

Բագրատ Սրբազան