«Իսկ ո՞վ ասաց, որ երկիրն ավերվում է, հլը եկեք գնանք Սարյան փողոց, տեսնենք՝ ինչքա՜ն տուրիստ կա»,- ԱԺ-ում, լրագրողների հետ զրույցում, ասաց Ալեն Սիմոնյանը՝ անդրադառնալով «երկիրն ավերվում է» հայտարարություններին:

«Որտե՞ղ է ավերվում երկիրը»,- նշեց նա:

Բոլոր կողմերը համաձայն են, որ Ռուսաստանը պետք է մասնակցի Ուկրաինայի հարցով հաշտության երկխոսությանը, բայց միասնություն չկա այն հարցի շուրջ, թե որ պահին դա կարող է տեղի ունենալ: Մամուլի ասուլիսում այս մասին հայտարարել է Շվեյցարիայի արտգործնախարար Ինյացիո Կասիսը։

«Պարզ է, որ Ռուսաստանը պետք է մասնակցի այդ գործընթացին: Դրան բոլորը համաձայն են։ Հարցն այն է, թե որ պահից այն կարող է մասնակցել», – Կասիսի խոսքերն է մեջբերում ՏԱՍՍ-ը։

Արտգործնախարարը նշել է, որ Շվեյցարիայի Բուրգենշտոկ քաղաքում կայանալիք գագաթնաժողովը «հաշտության գործընթացի սոսկ մեկնարկային կետն է»։

«Դա (խմբ․՝ այս գործընթացը) կարող է տևել շաբաթներ, ամիսներ: Արդյոք այն ընդհանրապես կհանգեցնի հաջողության, ցույց կտա ապագան», – հավելել է Շվեյցարիայի ԱԳՆ ղեկավարը:

Նա պնդել է, որ գագաթնաժողովին նախապատրաստվելիս համադաշնության իշխանությունները կանոնավոր կապեր են պահպանում Ռուսաստանի հետ, և ափսոսանք է հայտնել, որ չի հաջողվել հասնել հանդիպմանը միաժամանակ երկու կողմերի՝ Ռուսաստանի Դաշնության և Ուկրաինայի մասնակցությանը:

Բուրգենշտոկում Ուկրաինայի հարցով խաղաղության գագաթնաժողովը տեղի կունենա հունիսի 15-16-ին: Գագաթնաժողովին իրենց մասնակցությունն են հայտնել շուրջ 90 երկրներ և կազմակերպություններ։

ԱԺ-ի մոտ ոստիկաններին «դուբինկաներ են» բաժանում

Ուղիղ միացում | LIVE

Բաղրամյան պողոտան շարունակում է փակ մնալ, երեկ գիշերվանից այստեղ վրաններ են տեղադրվել։

Բագրատ Սրբազանը քաղաքացիներին կոչ է արել ԱԺ խորհրդի նիստին ընդառաջ՝ ժամը 15։30-ին, հավաքվել Բաղրամյան-Դեմիրճյան խաչմերուկում։

ԱԺ շենքը մեծաթիվ ոստիկանական ուժեր են հսկում։

Հիշեցնենք, որ ԱԺ խորհրդի հաստատմանն է ներկայացվել ընդդիմադիր խմբակցությունների՝ արտահերթ նիստ հրավիրելու առաաջրկը, համաձայն որի՝ նիստը պետք է ունենա մեկ օրակարգ՝ կառավարության հրաժարականի ուղերձի ընդունումը։

Իրավիճակը՝ Բաղրամյան պողոտայում․

#ՀԻՄԱ

Հարյուրավոր պարեկներ են բերվում՝ պաշտպանելու ԱԺ-ի Դեմիրճյան մուտքը

Մանրամասները՝ տեսանյութում

#ՀԻՄԱ. Փաշինյանի հրաժարականի պահանջ, ԱԺ արտահերթ նիստ.

ներկայացնում է Արծվիկ Մինասյանը.

#ՈՒՂԻՂ

Եթե 10 հոգի բողոքում է, նշանակում է՝ շարժումը չի մարել.

ՔՊ-ական պատգամավոր

Ք.գ.դ., պրոֆեսոր Վահե Դավթյանը ֆեյսբուքյան իր էջում գրում է. «Սրբազան շարժումը տեղավորվում է համաշխարհային քաղաքականության մեջ ձևավորվող որոշ մեգաթրենդերի մեջ։

2024-ը աջ շրջադարձի տարի է, ինչը հատկապես դրսևորում ստացավ երեկ ավարտված Եվրախորհրդարանի ընտրությունների արդյունքների տեսքով։

Ինչպես կանխատեսում էի դեռ մեկ տարի առաջ, ընտրություններում աննախադեպ դրական արդյունքներ ապահովեցին աջ ուժերը, որոնց հատկապես ուլտրասեգմենտը Երկրորդ աշխարհամարտից ի վեր գտնվում էր եվրոպական քաղաքականության լուսանցքից դուրս:

Անգամ ձայների մեծամասնություն ստացած «Եվրոպական ժողովրդական կուսակցությունը», լուրջ վտանգ զգալով, ստիպված էր մի շարք հարցերում, մասնավորապես՝ կլիմային ու միգրացիային վերաբերող, աջացենտրիստական դիրքերից ավելի աջ տեղափոխվել: Հետևաբար, ԵԺԿ-ի համար սա ինչ-որ իմաստով Պյուռոսյան հաղթանակ է:

Եվրոպական մի շարք քաղաքագետներ արդեն խոսում են այն մասին, որ կուսակցության առաջնորդ ֆոն դեր Լյաենի համար ստեղծվում են բավականին անբարենպաստ պայմաններ՝ հատկապես պրոուկրաինական կուրսի իրականացման մասով:

Եվրոպայում ավանդական քաղաքական ճարտարապետության արմատական փոփոխության մասին են վկայում նաև ֆրանսիական խորհրդարանը ցրելու ու արտահերթ ընտրություններ անցկացնելու Մակրոնի որոշումը, Շոլցի հռետորաբանական նահանջը, իտալական ուլտրաաջ ուժերի լեգիտիմության թռիչքաձև աճն ու բազմաթիվ այլ միկրո- ու մակրոգործընթացներ:

Ստեղծված պատկերը մեզ հետաքրքիր է երկու ասպեկտներով:

1. Էապես կրճատվելու է Բրյուսելի կողմից Հայաստանի գործող իշխանությունների ծայրահեղ-լիբերալ կուրսին ուղղված աջակցությունը: Որքան ուժեղանա աջ ճակատը ԵՄ-ում, այնքան ավելի մեծ դժվարությամբ են կայացվելու նման որոշումները:

2. Որոշակի խնդիրներ կարող են առաջանալ ԵՄ-Ադրբեջան գործակցության դաշտում: Ֆոն դեր Լյաենը հայտնի է Բաքվի հետ տնտեսական ու, մասնավորապես, էներգետիկ, կապերի զարգացմանն ուղղված ջանքերով: Ստեղծված իրավիճակում, գտնվելով աջերի ճնշման տակ, նա ստիպված է լինելու ավելի մեղմացնել սեփական հակառուսականությունը, ինչը հեռանկարում կարող է հանգեցնել եվրոպական շուկայում ռուսական գազի կշռի աճի (հատկապես որ այսօր էլ մատակարարումները շարունակվում են՝ օրական 40-45 մլն խմ ծավալով): Ակնհայտ է, որ այսպիսի հեռանկարը Բաքվի համար գոտքատեղից ներքև հարված է լինելու:

Գալով Սրբազան պայքարին՝ նշեմ, որ այն իր ողջ առաքելությամբ ուղղված է ազգային պետության կերտմանը: Հաշվի առնելով աշխարհում աջ գաղափարախոսության շարունակական տարածումը (ինչն արդեն նկատելի է դառնում նաև ԱՄՆ-ում), Սրբազան պայքարն իր արժեհամակարգով օրգանապես տեղավորվում է ձևավորվող նոր աշխարհակարգի տրամաբանության մեջ»:

168.am

ԱԺ ընդդիմադիր «Հայաստան» և « Պատիվ ունեմ» խմբակացություններն այսօր միջնորդություն ներկայացրեցին Ազգային ժողովի խորհրդին՝ վաղը կամ մինչև հունիսի 17-ն արտահերթ նիստ գումարելու պահանջով՝ Ազգային ժողովի ուղերձը կառավարության հրաժարականի և նոր կառավարության ձևավորման մասին օրակարգով։

Եթե Ազգային ժողովի խորհուրդը մերժի ընդդիմադիր խմբակացությունների միջնորդությունը, ապա Ազգային ժողովի կանոնակարգ օրենքի համաձայն, 5-րդ աշխատանքային օրը, այսինքն՝ հունիսի 17-ին, ժամը 18։30 -ին օրենքի ուժով կգումարավի Ազգային ժողովի արտահերթ նիստ։

Ընդդիմադիր «Հայաստան» խմբակացության քարտուղար Արծվիկ Մինասյանն «Ազատության»-ը փոխանցեց, որ ընդդիմությունը ցանակնում է, որ նիստը տեղի ունենա մինչև հունիսի 17-ը, և արտահերթ նիստ նախաձեռնելու համար անհրաժեշտ 27 ստորագրությունների փոխարեն արդեն ունի 32-ը և այժմ պետք է, որ Ազգաին ժողովի խորհուրդն այսօր գումարվելիք խորհրդի նիստում ընդունի իրենց առաջարակը։

Լուլուին Նիկոլը շանտաժով է պահում․ Աննա Մկրտչյան

Մանրամասները՝ տեսանյութում