Ազգային ինքնորոշում միավորում (ԱԻՄ) առաջնորդ Պարույր Հայրիկյանը ֆեյսբուքյան իր էջում գրառում է կատարել, որով հայտնում է հացադուլ սկսելու մասին։

«Բողոքելով իշխանութեան Հայաստանը ոչ իրավական դարձնելու դեմ հունիսի 10 -ից հացադուլ եմ սկսում»,- գրել է Հայրիկյանը։

Հայաստանի այս իշխանությունը մի շատ վտանգավոր գործընթաց է սկսում՝ սորտավորում է մարդկանց և հոգևորականներին համարում երկրորդ սորտի մարդիկ, ասում՝ ձեր զգեստը հանեք, դրանից հետո նոր իրավունք կունենաք մասնակցել պետության գործերին։

Այսպիսինն է այս իշխանության ընկալումը Հայաստանի Սահմանադրության վերաբերյալ. սա դեռ բավարար չէ, հիմա նաև սուր են ճոճում հոգևորականների ուղղությամբ։

168 TV-ի «Ռեվյու» հաղոդրաշարի եթերում, խոսելով ՔՊ-ական իշխանության կողմից Հայ Առաքելական եկեղեցու և եկեղեցու սպասավորների դեմ տարվող արշավի մասին, նման արձանագրում կատարեց Մայր Աթոռ Սուրբ Էջմիածնի միաբան Ռուբեն վարդապետ Զարգարյանը։

«Բագրատ Սրբազանից հիմա ինչո՞ւ են վախենում. վախենում են, որովհետև, երբ մարդը կորցնելու բան չունի, մինչև վերջ գնալու է։ Նրա հետ առևտուր անել հնարավոր չի լինելու»,- ասաց Հայր Ռուբենը։

Նրա խոսքով՝ Բագրատ սրբազանի առաջնորդած այս շարժումն այս տարի չէ, որ ծնվել է. այն ծնվել է սրբազանի մտքում դեռ 4 տարի առաջ, երբ նա խոսում էր Տավուշի մարզի տարածքներն Ադրբեջանին հանձնելու այս իշխանության հանձնառության մասին։

«Փակագծեր եմ ուզում բացել. մինչև այս շարժումը գործնականորեն սկիզբ առնելը Սրբազանին են այցելել բազմաթիվ դեսպաններ, որոնց մեջ, ի դեպ, չի եղել Ռուսաստանի դեսպանը։ Բագրատ սրբազանի հետ հանդիպելու փորձ է արել նաև Նիկոլ Փաշինյանը։ Նման փորձ նա արել է այս շարժման սկսվելուց առաջ։

Փաշինյանը Սրբազանի հետ հանդիպելու առաջարկ է արել մեկ շաբաթ առաջ այն բանից, երբ ինքը ծաղրեց Սրբազանի մատուցած պատարագը՝ ասելով, թե ստենդափ պատարագ են անում։ Պարզ է, որ ուզում էր հանդիպել, որովհետև հասկանում էր՝ դիմադրության օջախ կա Տավուշում, ինչը կա նաև հիմա»,- ասաց Ռուբեն վարդապետ Զարգարյանը՝ հարց տալով ՔՊ-ականներին՝ ի՞նչ փոխվեց ձեր կյանքում, չէ՞ որ ձեր ղեկավարը Բագրատ սրբազանի մոտ ուղակել էր մեկին, որը Փաշինյանի խոսքերն է փոխանցել սրբազանին, թե սրբազանը նվիրյալ հոգևորական է, այդ ինչպե՞ս եք հիմա նրան անվանարկում։

Հարցազրույցի մանրամասները՝ տեսանյութում։

Մենք կապվեցինք ԱԺ անկախ պատգամավոր Իշխան Զաքարյանի հետ եւ հարցրեցինք. «Այսօր գրվեց, որ 33 ստորագրություն կա՝ արտահերթ նիստ գումարելու միջնորդության ներքո, բայց Դուք չեք միացել։ Ինչպե՞ս կմեկնաբանեք»։

Նա ասաց. «29 հոգով էլ կարող են օրակարգ մտցնել, ի՞նչ կապ ունի իմ ստորագրությունը։

Հազար անգամ ասել եմ՝ 54 ձայն է ձեզ պետք՝ որոշում ընդունելու համար։ Ես դա սրբազանին էլ եմ ասել՝ 53 ձայն կունենաք, 54-րդը համարեք՝ գրպաններդ դրված է։

Բարոյականություն պետք է ունենան, գոնե ինձ զանգեն, հարցնեն։

Եթե պետք է լինում, գիշերը ժամը 12-ին էլ ինձ զանգում-գտնում են, քնից հանում։ Բայց ինձ որեւէ մեկը չի զանգել, չի ասել, ես  տեղյակ չեմ։ Ժողովի ժամանակ մի տղամարդ է զանգել, քարտուղարուհիս հարցրել է` ո՞վ է, ի՞նչ ասենք պարոն Զաքարյանին, պատասխանել է՝ խոսակցություն ունենք հետը, չենք կարող ասել: Ո՞վ է զանգել»։

Հարցազրույցն ամբողջությամբ կարդացեք վաղը՝ «Հրապարակ» օրաթերթում

«Հայաստան» եւ «Պատիվ ունեմ» խմբակցություններն այսօր միջնորդություն էին ներկայացրել Ազգային ժողովի խորհուրդ՝ պահանջելով կառավարության հրաժարականի օրակարգով արտահերթ նիստ գումարել։ Խորհուրդը, որ մեծամասամբ կազմված է ՔՊ-ական պատգամավորներից, մերժեց խորհրդարանի ընդդիմադիր երկու խմբակցությունների միջնորդությունը։ Ազգային ժողովի կանոնակարգ օրենքի համաձայն՝ եթե Ազգային ժողովի խորհուրդը մերժում է ընդդիմադիր խմբակցությունների միջնորդությունը, ապա 5-րդ աշխատանքային օրը, այսինքն՝ հունիսի 17-ին՝ ժամը 18։30-ին, օրենքի ուժով գումարվում է ԱԺ արտահերթ նիստ։ Գործընթացների վերաբերյալ զրուցել ենք «Հայաստան» խմբակցության պատգամավոր Քրիստինե Վարդանյանի հետ:

-Արտահերթ նիստ հրավիրելու համար ընդդիմությունը քանի՞ ձայն ունի: Այսօր գրվեց, որ ընդդիմությանը չի հաջողվել ստանալ ընդդիմադիր 2 պատգամավորների հավանությունը՝ Նիկոլ Փաշինյանի հեռացման գործընթացը սկսելու համար եւ այդ պատգամավորներից մեկը Իշխան Զաքարյանն է։ 

-Մեզ նվազագույնը 27 ձայն է անհրաժեշտ եղել, որպեսզի ԱԺ արտահերթ նիստ գումարվի ընդդիմության հռչակած օրակարգով, մենք ունենք 33 ձայն։ Խնդիր չէր էլ դրվել, որ 35 պատգամավորների ձայներ է պետք, մեզ պետք էր, որ 27-ից պակաս չլինի։ Բայց դա դեռ բավարար չէ, ԱԺ խորհուրդը պետք է հավանություն տար՝ մեր հռչակած օրակարգով նիստ անելու առաջարկին, չի տվել։ Մերժելուց հետո իրավունքի ուժով ուրբաթ օրն է նիստ լինելու։ «Պատիվ ունեմ» եւ «Հայաստան» խմբակցության պատգամավորները իրենց դաշտում գտնվող գնդակը նետել են մյուս դաշտ։ 

-Գրվեց, որ Իշխան Զաքարյանը չի միանում ընդդիմության գործընթացներին, նրան չեն կարողանում անգամ գտնել։ Թեեւ մենք այսօր զրուցել ենք նրա հետ, ասել է, որ իրեն չեն էլ դիմել:

-Երբ խոսում ենք 35 պատգամավորների մասին՝ Իշխան Զաքարյանը նրանց մեջ չի մտնում։ Մենք խոսում են «Հայաստան» եւ «Պատիվ ունեմ» խմբակցությունների անդամների մասին։

-Իսկ հետագայում Իշխան Զաքարյանին չե՞ք դիտարկելու: Համարում եք, որ նա արդեն իշխանության հե՞տ է։

-Ես չեմ կարող նրա փոխարեն որեւէ դիրքորոշում արտահայտել, այլ իրավիճակում իրեն ոնց կպահի, միայն գիտեմ, որ ժողովրդի ճնշումը շատերի դիրքորոշման վրա կարող է ազդել։ 

-Սրբազանը հայտարարել է անվստահության գործընթաց սկսելու մասին, ինչո՞վ է այն տարբերվում իմպիչմենտի գործընթացից, եւ խորհրդարանական այս եղանակով հնարավոր կլինի՞ հեռացնել այս կառավարությանը։

-Երկու գործիք կա խորհրդարանական ճանապարհով իշխանությանը հեռացնելու՝ իմպիչմենտ եւ անվստահության գործընթաց։ Իմպիչմենտի դեպքում պարտադիր է նոր թեկնածուի անունի ներկայացումը։ Անվստահության գործընթացի ժամանակ ընդդիմությունը հիմնավորում է անվստահության հիմքերը եւ առաջարկում, որ ԱԺ-ն հայտարարություն կամ ուղերձ ընդունի՝ կառավարության փոփոխման մասին։ Այս ամենից հետո կարող ես կառավարության կազմի վերաբերյալ բանակցել, անուն նշելը պարտադիր չէ։ Մեր բոլոր հայրենակիցները պիտի իմանան, որ իշխանափոխության գործընթացը որ ճանապարհով էլ լինի, անցնում է խորհրդարանով, ցանկացած կետում, լինի դա նոր վարչապետի ընտրություն, թե այլ բան։ Երբ շատ հաճախ ասում են՝ ընդդիմության մանդատները այս գործընթացում ինչի համար են պետք, պետք են հենց այս ամենի համար։ Սակայն այստեղ որոշիչ դերակատարություն ունի փողոցի ճնշումը, եթե այն բավարար ուժեղ է՝ կհաջողվի, արդյունք կլինի, առանց մեկը մյուսի անհնար է։ 

Մանրամասն՝ տեսանյութում

«Տավուշը հանուն հայրենիքի» շարժման մասնակիցները կազմակերպիչների հորդորով հետ քաշվեցին Բաղրամյան պողոտայից, որտեղ ոստիկանական ուժեր են կուտակված, ու որտեղ րոպեներ առաջ միջադեպ եղավ ՀՌՀ նախագահ Տիգրան Հակոբյանի հետ։

Այդ հատվածով անցնող ՀՌՀ նախագահին տեսնելով` քաղաքացիները սկսել էին սուլել` նրան անվանելով «դավաճան», «թուրք», «թուրքի զավակ»։

«է՞շ եք, ա՛յ անասուն»,–ի պատասխան ասաց Հակոբյանը` շրջվելով քաղաքացիների կողմը։

Մեծագույն պատիվ է ձեզ ծառայելը, երանի այն անձին, որ ձեր նման զավակներ ունի.

Սրբազանը` ժողովրդին

ԱԱԾ-ն ձերբակալել է շարժմանն աջակցելու համար Քենիայից Հայաստան ժամանած «Արթուր եղբայրներին»։

Այս մասին հայտնում է փաստաբան Արսեն Բաբայանը։

«Արթուր և Արտակ Սարգսյանները (Arthur Brothers) Երևանի քննչական կոմիտեի քննիչի որոշմամբ 72-ժամյա ռեժիմով ձերբակալվեցին։

Եղբայրները կասկածվում են ապօրինի զենք պահելու մեջ։ Նրանց մոտ չի հայտնաբերվել ոչ զենք ու ոչ էլ որեւէ ապօրինի առարկա:

Որպես վերջիններիս պաշտպան հստակ արձանագրում եմ, որ Արթուր և Արտակ Սարգսյանների ձերբակալումն ամբողջությամբ ապօրինի է և պայմանավորված է բացառապես Սրբազան շարժմանը նրանց մասնակցությամբ»,-գրել է նա։

Մանրամասները՝ տեսանյութում

ԱԱԾ-ն ձերբակալել է շարժմանն աջակցելու համար Քենիայից Հայաստան ժամանած «Արթուր եղբայրներին»։

Այս մասին հայտնում է փաստաբան Արսեն Բաբայանը։

«Արթուր և Արտակ Սարգսյանները (Arthur Brothers) Երևանի քննչական կոմիտեի քննիչի որոշմամբ 72-ժամյա ռեժիմով ձերբակալվեցին։

Եղբայրները կասկածվում են ապօրինի զենք պահելու մեջ։ Նրանց մոտ չի հայտնաբերվել ոչ զենք ու ոչ էլ որեւէ ապօրինի առարկա:

Որպես վերջիններիս պաշտպան հստակ արձանագրում եմ, որ Արթուր և Արտակ Սարգսյանների ձերբակալումն ամբողջությամբ ապօրինի է և պայմանավորված է բացառապես Սրբազան շարժմանը նրանց մասնակցությամբ»,-գրել է նա։

Մանրամասները՝ տեսանյութում

Պատմաբան, խմբագիր Վահե Սարգսյանի ֆեյսբուքյան գրառումը․ «Անկեղծ մի բան եմ ուզում հասկանալ՝ մինչ այդ մի քանի դրվագ հիշեցնելով.

*Հայրենիքի փրկության շարժում - Վազգեն Մանուկյան. չհաջողեց: Լայն զանգվածներ չեկան փողոց. Վազգեն Մանուկյանը երիտասարդ չէր, «Գետաշեն հանձնող էր», և այլն, և այլն:
Արդյունքում՝ խունտան վերարտադրվեց, և սկսվեց Արցախ-ՀՀ ադրբեջանիզացիայի նոր փուլը:

*Դիմադրության շարժում - Իշխան Սաղաթելյան և նախաձեռնողներ. չհաջողեց: Ուժերը չհերիքեցին. Իշխան Սաղաթելյանը «զբոսանքի էր կանչում», «դիտավորյալ ձախողեց», «կտրուկ գործողությունների չդիմեց» և այլն, և այլն:
Արդյունքում՝ խունտան Ադրբեջանի զորքերը «հրավիրեց» Ջերմուկ ու Վարդենիս, նոր կոտորածներ կազմաքանդված առաջնագծում, հաջողությամբ ամփոփվեց Արցախի դավաճանական հանձնումն ու ավարտին հասցվեց արցախահայության ցեղասպանությունը: Լայն թափով սկսվեց ՀՀ-ի ադրբեջանականացումը:

*«Տավուշը հանուն հայրենիքի» («Սրբազան») շարժում - Բագրատ Սրբազան. ընթացքում է: Չնայած լայն կոնսոլիդացիային՝ կրկին լսում ենք. «մեր սրտով չի», «անփորձ է», «Ռուսաստանի թեկնածուն է», «ծրագիր չունի», «միամիտ հոգևորական է», «կողքը մի օր տեսա մեկին քայլելով՝ դուրս չեկավ», «չգիտեմ՝ իր կառավարության կազմում ովքեր են լինելու» ու հրապարակ չգալու նման պատճառներ՝ ինչքան ուզեք:

Բայց նաև բոլորը գիտեն, որ Բագրատ Սրբազանը.

- ռուսի լրտես չի՝ հերքվեց,
- երեխաներ չունի՝ չի խաբել մարդկանց ու Եկեղեցուն,
- բիզնեսմեն չի՝ հերքվեց,
- Քոչարյանի կամ Ս. Սարգսյանի մարդը չի՝ բոլորը հասկացան,
- արտաքին ու ներքին խնդիրներին լավագույնս տիրապետող է,
- միավորող է,
- վերկուսակցական է,
- իշխանատենչ չէ,
- ազգային բարձր արժեքների կրող է,
- արիստոկրատ է,
- խարիզմատիկ է,
- ուժեղ կամքի տեր է,
- պինդ ու համառ է՝ դրական իմաստով,
- չափազանց ուժեղ և ոչ մի բանից չընկրկող է՝ ոստիկանապետի հետ «առերեսման» վերջին դրվագը վկա,
- Եկեղեցուն չի տալու պետության ղեկը,
- պետականությունն ու ազգն ամեն ինչից վեր դասող է,
- բարոյական բարձր արժեքներ կրող ու քարոզող է:

Էսքանից հետո՝ ինձ համար արդեն անհասկանալի է՝ Բագրատ Սրբազանին էլ «պոզ ու պոչ կպցնող» ժողովրդի մի լայն հատված իրականում Ի՞ՆՉ Է ՈՒԶՈՒՄ, ԿԱՄ ՈՒ՞Մ Է ՈՒԶՈՒՄ:

Բագրատ Սրբազանն ու Շարժումն, անշուշտ , կարող են ունենալ բացեր, թերություններ՝ իսկ ո՞վ է բացարձականացնում ամեն ինչ: Բայց արդյո՞ք պետք է տանը կամ աշխատանքային կաբինետներում նստել ու անխնա որոնել չմիանալու պատճառ, թե՞ գալ ու օգնել՝ շտկելու դրանք:

Արդյո՞ք պարզ չի՝ եթե այս փուլում էլ չհաջողի Շարժումը, ապա.

*Նիկոլ Փաշինյանը երկիրը վերածելու է տոտալ բռնատիրության ու ծառայեցնելու է մի կլանի շահերին,
*Արագորեն հանձնվելու են «անկլավները», և թշնամին նորովի է մխրճվելու երկրի խորքը,
*հանձնվելու է Սյունիքի պարանոցը՝ իբրև «տարանցիկ ուղի», իրականում՝ թուրանիզացիայի հերթական պրոյեկտ,
*լայնորեն սկսվելու է ադրբեջանցիների վերադարձը ՀՀ,
*փոխվելու է ՀՀ Սահմանադրությունը, մերժվելու է Անկախության Հռչակագիրը, վերանալու է այդ հռչակագրով ստեղծված Հայաստանի ներկայիս Հանրապետությունը, նոր Սահմանադրությամբ «հանրապետությունն» իրականում լինելու է թուրք-ադրբեջանական նախագիծ,
*ՀՀ-ն ամբողջովին մերժելու է Հայոց ցեղասպանության իրողությունը, խզվելու է կապն ավանդական Սփյուռքի հետ, հայրենազրկված բազմամիլիոն հայերի գոյությունն ամբողջովին իմաստազրկվելու է, և վերջիններս ուղղակի ձուլվելու, վերանալու են,
* Լայն թափով սկսվելու է Ադրբեջանի ներկայացրած միլիարդավոր դոլարների հասնող ռազմատուգանքների (ռեպարացիաների) վճարման գործընթացը, որը վերջ չի ունենալու, ինչի արդյունքում ՀՀ ԱԶԳԱԲՆԱԿՉՈՒԹՅՈՒՆՆ ԱՊՐԵԼՈՒ Է ՈՉ ԹԵ ԱԴՐԲԵՋԱՆԻ ԿՈՂՔԻՆ, ԱՅԼ ԱԴՐԲԵՋԱՆԻ ՀԱՄԱՐ՝ առաջիկա տասնամյակներին: Սա՝ լավագույն դեպքում:
* Նախորդ կետի փոխարեն կարող է տեղի ունենալ հետևյալը (նայած՝ Ադրբեջանն ու Թուրքիան ինչպես կցանկանան). ՀՀ-ն կարճ ժամանակում դառնա թուրք-ադրբեջանական պլացդարմ, մասնատվի, լուծարվի պետությունը, ազգաբնակչության մի մասը ճողոպրի Եվրոպա (Ֆրանսիան նավեր կուղարկի Տրապիզոն կամ Բաթում), մնացյալ մասը ստրկացվի և վերջ:

Եվ այս ամենը ոչ թե ցնորամիտ երևակայություն է, այլ՝ ամիսների, անգամ՝ շաբաթների ընթացքում տեղի ունենալիք իրողություն. ցեղասպանված Արցախը վկա:

Էսքանից հետո թող մարդիկ որոշեն՝ փողոց դուրս գա՞լ, թե՞ ոչ:

Հ.Գ. Ու եթե շատերին թվում է՝ Թուրքիան տասնամյակներ նախապատրաստվելով՝ չէր կարող գնել մի փոքր պետության իշխանություն, ապա նրանք չափազանց սխալվում են: 

Աղբյուրը` Վահե Սարգսյան