ՔՊ խմբակցության պատգամավոր Արթուր Հովհաննիսյանը ֆեյսբուքյան իր էջում լուսանկարներ է հրապարակել ու գրել.

«ՀՀ սահմանազատված պետական սահման` Տավուշ:

Մեր նորանկախ պատմության կարևորագույն գործընթացով ենք անցնում»: 

Աշխարհում երբեք այսքան շատ հարուստ մարդ չի եղել, եւ նրանց ներդրումները աճող ֆոնդային շուկաներում նրանց ավելի հարուստ են դարձրել, քան երբեւէ, NEWS.am STYLE-ի փոխանցմամբ`տեղեկացնում է է AFP-ը։ Capgemini քոնսալթինգային ընկերության տվյալներով՝ «ունեւոր մասնավոր անձանց» (HNWI) կարողությունը, որոնք բնորոշվում են որպես 1 միլիոն դոլարից ոչ պակաս լիկվիդային ակտիվներ ունեցող մարդիկ, անցած տարի ավելացել է 5,1 տոկոսով՝ 22,8 մլն։ World Wealth Report-ի ամենամյա հաշվետվության համաձայն՝ նրանց ընդհանուր կարողությունը 2023թ. հասել է  86,8 տրլն դոլարի, ինչը 4,7 տոկոսով ավելի է, քան նախորդ տարի։ HNWI թիվը եւ նրանց հանրագումարային հարստությունը ամենաբարձրն է այն ժամանակներից, երբ Capgemini-ն սկսել է ամենամյա հետազոտությունը 1997թ.։

2022թ., մակրոտնտեսական անորոշության եւ աշխարհաքաղաքական լարվածության ժամանակ, հարուստ մարդկանց թիվը եւ նրանց կարողությունը կրճատվել է ավելի քան երեք տոկոսով, նշվել է զեկույցում։ Նրանց կարողության կրճատումն ամենակտրուկն էր տասնամյակի ընթացքում, քանի որ արժեթղթերի արժեքն ընկել էր։ «Սակայն 2023-ը տնտեսական աճ եւ հիմնական ներդրումային հատվածների բարելավում ապահովեց, ինչը թույլ տվեց կանգնեցնել անկումը»,- նշված է հաշվետվությունում։

«Չնայած տոկոսադրույքների շարունակվող անորոշությանը եւ պարտատոմսերի եկամտաբերության աճին՝ արժեթղթերի արժեքը բարձրացավ տեխնոլոգիաների շուկայի հետ միասին, ինչին նպաստեց խանդավառությունը գեներատիվ արհեստական բանականության եւ տնտեսության վրա՝ նրա պոտենցիալ ազդեցության առումով»։ Բարեկեցության եւ անհավասարության աճն աշխարհում բանավեճեր է առաջացնում այն մասին, որ ստիպի հարուստներին արդարացի հարկեր վճարել։ Բրազիլիան եւ Ֆրանսիան ճնշում են գործադրում «Մեծ քսանյակի» մյուս երկրների վրա, որպեսզի նրանք գլոբալ նվազագույն հարկ սահմանեն աշխարհի ամենահարուստ մարդկանց համար։

Մի նստեք ինքնաթիռ դիմահարդարված, նախազգուշացնում է բյութի-ինֆլյուենսեր D the Korean-ը, փոխանցում է NEWS.am STYLE-ը։

«Ինքնաթիռում գտնվելը ամենավատ բաներից մեկն է, որը կարող եք անել ձեր մաշկի հետ։ Երբեք մի օգտվեք կոսմետիկայից ինքնաթիռում։ Դա չորացնում է ձեր մաշկը, եւ այն դառնում է ճարպոտ, որպեսզի փոխլրացնի չորությունը։ Ձեր դիմահարդարումը գունատ կթվա»,- նշել է նա։

Օդի որակը, ինչպես գետնի վրա, այնպես էլ 30 000 ֆուտ բարձրությունում, վճռական նշանակություն ունի առողջ մաշկի համար։ Վերջերս հետազոտողները պարզել են, որ տարբեր տոքսինները, որոնք շրջանառվում են օդում, կարող են անուղղելի վնաս պատճառել մաշկի բջիջներին, քայքայել կոլագենը եւ առաջ բերել ծերացման վաղաժամ նշաններ։ Վնասակար ուլտրամանուշակագույն ճառագայթների սպառնալիքը նույնպես ավելանում է Արեւին մոտ թռչելիս։

«Ուլտրամանուշակագույն ճառագայթումն այնտեղ ահավանական ուժեղ է, ուստի ես օգտագործում եմ արեւապաշտպան քսուք թռիչքից առաջ եւ դրա ընթացքում»,-տարվա դեկտեմբերին նախազգուշացրել է նախկին ուղեկցորդուհին անցած։

Ռուսաստանի ամենահարուստ կինը՝ Wildberries-ի հիմնադիր Տատյանա Բակալչուկը, չի շտապում տներ եւ զբոսանավեր, բրենդային հագուստներ գնել եւ նախընտրում է թռչել «էկոնոմ-դասով»՝ չնայած յոթ մլրդ դոլար ունեցվածքին։

Forbes-ի հարցազրույցում Բակալչուկը խոստովանել է, որ իրեն հաճախ են ծաղրում այդպիսի համեստ ապրելակերպի համար։ «Ինձ ծաղրում են. «Դուք ի՞նչ է, «էկոնոմո՞վ» եք թռչում»։ Դե հա, թռչում եմ։ Իսկ ի՞նչ է որ։ Ես ասկետ չեմ եւ, եթե պետք է թռչել, պայմանական ասած՝ ինը ժամ, իհարկե, «բիզնես» կվերցնեմ, բայց հնարավորության դեպքում «բիզնես» կվերցնեմ մղոնների համար, որովհետեւ շատ եմ թռչում։ Եվ չարժե ինձանից «անապատական» սարքել, որը միայն «էկոնոմով» է թռչում։ Եթե հնարավորություն կա, ես կթռչեմ ոչ «էկոնոմով»,- նշել է բիզնես-վումընը։

Վերջին անգամ միլիարդատիրուհին ստիպված էր մեկ շաբաթում հինգ թռիչք կատարել, ինչն անդրադարձել էր նրա առողջության վրա։ «Կոտրվեցի։ Մի երկու օր ներերակային էի ստանում,- պատմել է նա։- Աշխատակիցներս ասացին. «Բավական է, Տատյանա Վլադիմիրովնա, ինչ ուզում եք՝ արեք, այլեւս «էկոնոմով» չեք թռչում։ Դուք մեզ պետք եք, պետք է խնայեք ձեզ»։ Ես հիմա, ի դեպ, նույն փիլիսոփայությունը տարածում եմ թիմի վրա, որը շատ է թռչում... Գիտեք, երբ քեզ կաբրիոլետով հասնում են քո վաճառողները, հավանաբար, կարող ես երբեմն քեզ թույլ տալ «բիզնես-դասով» թռչել։

Բակալչուկի նպատակը Wildberries-ը համաշխարհային բրենդի վերածելն է։ «Եթե խոսենք ընկերության մասին, ապա  մենք ցանկանում ենք լինել այնպիսին, որ ներգրվենք պատմության մեջ։ Այ, բոլորը գիտեն «Ֆորդի», «Տոյոտայի», «Ամազոնի» մասին։ Ես ցանկանում եմ, որ Wildberries-ը նույնպես ներգրվի համաշխարհային պատմության մեջ։ Իսկ որպես մարդ ցանկանում եմ մարդկանց կյանքն ավելի լավը դարձնել։ Հիմա ես պարզապես գեղեցիկ բառերի մասին չեմ խոսում։ Այսինքն՝ ինձ առաջ է մղում այն, որ ես աշխարհն իմ շուրջն ավելի լավն եմ դարձնում։ Չգիտեմ՝ սա որպես պաթոս է հնչո՞ւմ, թե՞ ոչ, բայց ես այդպես եմ զգում»։

Վրաստանի արևմուտքում՝ Օնի քաղաքում 7 րոպե տարբերությամբ երկու երկրաշարժ է տեղի ունեցել։ 

4,4 մագնիտուդով առաջին ցնցումները գրանցվել են 19:42-ին, 4 մագնիտուդով երկրորդ երկրաշարժը՝ 19:49-ին: Երկու դեպքում էլ օջախը գտնվել է 5 կմ խորության վրա։ 

Երկու ժամ առաջ էլ նույն տեղում գրանցվել էր 3,8 մագնիտուդ ուժգնությամբ երկրաշարժ:

Վաղը կտեսնենք ևս մեկ անգամ, որ այս իշխանությունը կապ չունի մեր երկրի հետ.

Բագրատ Սրբազան

(տեսանյութ)

ՔԿ-ն հայտարարություն է տարածել, որում ասվում է․

«GG» ընկերության կողմից տարածված հայտարարությունն առ այն, որ «ընկերության դեմ» հարուցված քրեական վարույթը անհիմն է և ապօրինի, իրականությանը չի համապատասխանում։

Նախ քրեական վարույթը որևէ սուբյեկտի դեմ չի նախաձեռնվում, այլ` դեպքի կամ փաստի առթիվ։
Երկրորդ` տվյալ քրեական վարույթը, հարկերից խուսափելու հատկանիշներով, ՀՀ քննչական կոմիտեում նախաձեռնվել է դեռևս 2023 թվականի մայիսին։

Վարույթով նախաքննությունը շարունակվել է մինչ այս ընկած ժամանակահատվածում։ Դրա շրջանակներում նախօրեին, իրականացվել են խուզարկություններ, ինչը վարութային ստանդարտ գործընթաց է։

Այս տեսանկյունից քրեական վարույթը «GG» ընկերության հիմնադրի ակտիվ քաղաքացիական դիրքորոշման և հասարակական գործունեության հետ կապելու և բացառապես նման պնդման հիման վրա այն անհիմն և ապօրինի համարելու մասին ընկերության` հունիսի 16-ին արած հայտարարությունն ընդամենը ավելի քան մեկ տարի առաջ սկսված քրեաիրավական գործընթացը քաղաքականացնելու, իրականությունը խեղաթյուրելու անհաջող փորձ է։

Հասնելու ենք մեր ծրագրերի իրագործմանը, որի գլխավոր բաղադրիչն այս իշխանության և դրա ղեկավարի հեռացումն է ու ճշմարտության հաղթանակը։

Տեսաուղերձում հայտարարել է «Տավուշը հանուն Հայրենիքի» շարժման առաջնորդ Բագրատ արքեպիսկոպոս Գալստանյանը․

«Կարևոր հանդիպում ունենք վաղը՝ 18։30՝ ԱԺ-ի դիմաց։ Այդ ժամին ԱԺ-ում նիստ է նշանակված՝ կառավարության հրաժարականի ուղերձով:

Պետք է տեսնենք ու վկայենք ևս մեկ անգամ, որ այս իշխանությունները որևէ կապ չունեն մեր ժողովրդի հետ, օտարացած ու հակաօրինական վիճակում են։ Վաղվա նիստն, այդ իմաստով, չափազանց կարևոր է՝ ևս մեկ անգամ արձանագրելու, թե արդյոք այս մարդիկ գոնե նշույլ իսկ առնչություն ունեն մեր ժողովրդի իղձերի, նպատակների հետ, թե այլևս ամբողջությամբ օտարացած են։

Երկրորդ հանգամանքը․ միասին հավաքվելու, մեկ բռունցք լինելու, նաև փաստելու այն մասին, որ հակառակ բոլոր չարախնդացողների, այս շարժումը, մեկ բռունցք դարձած, կա, գոյություն ունի։ Եվ անկախ նրանից, թե ինչ է տեղի ունեցել հունիսի 12-ին, որպես հանցագործություն իշխանության կողմից արձանագրելով, ցույց տանք, որ ուժը մենք ենք։

Ոչ մի բանից չենք վախենում, գործելու ենք, հասնելու ենք մեր ծրագրերի իրագործմանը, որի գլխավոր բաղադրիչն այս իշխանության և դրա ղեկավարի հեռացումն է ու ճշմարտության հաղթանակը։ Այս շարժումը շարունակական է՝ անկախ բոլոր տեսակի անվանարկումների ու ռմբահարումների, դաժանության, որ իշխանությունները գործել են ժողովրդի հանդեպ։

Եվ երրորդը․ ասել ենք, որ պայքարը նոր ձևավորումներ ու վերադասավորումներ է ստանում։ Նաև այս պայքարով ու շարժումով վկայելու ենք այն աննկուն կամքի մասին, որ մեզանից յուրաքանչյուրը ստանձնել է։ Աշխարհին ունենք ասելիք։ Այս պայքարը իշխանափոխությունից ավելի արժեքային փոփոխության համար է։ Իշխանափոխությունը բաղադրիչներից մեկն է միայն»,- նշել է Սրբազանը։

Լեմկինի ինստիտուտը մտահոգված է հունիսի 12-ին ՀՀ ազգային ժողովի շենքի դիմաց ցուցարարներին և լրագրողներին ցրելու ոստիկանության ագրեսիվ գործելաոճից, որը հակասում է ժողովրդավարական սկզբունքների և մարդու հիմնարար իրավունքների հանդեպ Հայաստանի հռչակած հանձնառությանը:

«Հայաստանի հռչակած հանձնառությանը պետք է նշանակի խաղաղ հավաքների և խոսքի ազատության իրավունքի պաշտպանություն, այլ ոչ թե բռնության և արյունահեղության միջոցով այլախոհության ճնշում»,–նշված է հաղորդագրության մեջ։

Լեմկինի ինստիտուտը մտահոգիչ է համարում նաև այն փաստը, որ ՀՀ իշխանությունները վարչապետ Նիկոլ Փաշինյանի հետ միասին հանդես են եկել ի պաշտպանություն ոստիկանության գործողությունների:

«Ինչպես արդեն բազմիցս հայտարարել ենք, խոսքի և հավաքների ազատությունը մարդու հիմնարար իրավունքներն են և ներառական ու արդար հասարակության հիմնական սկզբունքները: Դրանք նաև Ցեղասպանության կանխարգելման կարևոր գործիքներ են, քանի որ այդ իրավունքները հնարավորություն են տալիս անհատներին և համայնքներին հանդես գալ անարդարության դեմ և պատասխանատվություն պահանջել իրենց կառավարություններից»,-ընդգծված է հայտարարության մեջ: